Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

2. 38-сон БҲХС “Номоддий активлар”.
38-сон БҲХС “Номоддий активлар” стандартининг мақсади – номоддий активларни ҳисобга олиш тартибини белгилаш бўлиб ҳисобланади, қайсики бошқа стандартларда шунга нисбатан аниқ кўрсатмалар инобатга олинмаган ҳолларда амалга оширилади.
Ушбу БҲХСда қуйидагилардан ташқари активларга қўлланилиши кўрсатилган: (а) бошқа БҲХСда кўзда тутиладиган номоддий активлар, (б) 32-сон БҲХС “молиявий инструментлар: ахборотларни очиқлаш ва тақдим қилиш”да аниқланган молиявий активлар, (с) минерал ресурсларга ҳуқуқ ва минераллар, нефть ва таббий газ ва анологик қайта тикланмайдиган ресурсларни разведка, ишланмалар ва қазиб чиқариш харажатлари, ва (д) суғурта компанияларидаги суғуртачилар билан шартномалардан келиб чиқадиган номоддий активлар.
38-сон БҲХС қуйидагиларга нисбатан қўлланилмайди:

• 
  Одатдаги фаолияти давомида сотишга мўлжалланган корхонанинг номоддий активлари;
  
• 
  муддати узайтирилган солиқ активлари;
  
• 
  17-сон БҲХС қўлланилиш доирасига кирадиган ижара шартномалари;
  
• 
  молиявий активларга нисбатан инвестициялар ва бошқа компанияларга инвестициялар;
  
• 
  бизнесни бирлаштириш битимлари доирасида харид қилиб олинган гудвил;
  

БҲХСда қуйидаги атамалар тавсифи берилган: фаол бозор, амортизация, актив баланс қиймати, таннарх, амортизацияланадиган миқдор, ишланма, корхона учун специфик қиймат, активнинг адолатли қиймати, қадрсизланишдан кўрилган зарар, номоддий активлар, монитар актив, тадқиқот, номоддий активларнинг қолдиқ қиймати, фойдали хизмат муддати.
Олдинги мавзуларда қайд қилинмаган атамаларга таърифларни келтирамиз:
Фаол бозор – қуйидаги барча шартлар бажариладиган бозор:
а) Бозордаги барча активлар бир хил тоифадаги хусусиятга эга бўлади;
б) қоидага кўра ҳар қандай вақтда битимни амалга оширишни хоҳловчи харидор ва сотувчини топиш мумкин бўлади;
с) баҳо тўғрисидаги ахборотлар барча учун очиқ бўлади.