Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

Депресиация суммаси (биринчи йил) = 0.18 X 30000 = $5400
Ҳисоб-китоб натижаларини қуйидаги жадвалда расмийлаштирамиз (4.6-жадвал):
4.6-жадвал
Ишлаб чиқарилган миқдор бирлиги методи

Йиллар	Депресиация харажатлари	Жамғарилган депресиация	Қолдиқ қиймати (йил охирида)
Бошланғич таннарх			$20.000
1	0.18 х 30.000 =$5.400	$5.400	14.600
2	0.18 x 25.000 = 4.500	9.900	10.100
3	0.18 x 20.000 = 3.600	13.500	6.500
4	0.18 x 15.000 = 2.700	16.200	3.800
5	0.18 x 10.000 = 1.800	18.000	2.000

Жадвал маълумотларидан хулоса қилиш мумкинки, депресиация харажатлари, жамғарилган депресиация ва активнинг қолдиқ қиймати бевосита маҳсулот бирлиги билан боғлиқ. Ушбу усулни қўллаган пайтда депресиация харажатлари ўзгарувчан харажатга айланади, қайсики у бевосита ишлаб чиқариш ҳажмига тўғридан-тўғри боғлиқ бўлади.

Тезлаштирилган депресиация активнинг фойдали хизмат қилиш муддатининг дастлабки йилларида депресиация харажатлари унинг қолган кейинги йилларига нисбатан катта бўлади. Унга мувофиқ равишда кейинги йилларда депресиация харажатлари кичик бўлади. Бунга иккита сабаб бор:
1. Активнинг дастлабки фойдаланиш йилларида кўпроқ даромад келтиради, сабаби у бошланғич йилларида кейинги йилларга нисбатан самарали натижа беради.
2. Кейинги йилларда таъмирлаш харажатлари ортади. Натижада ҳисобот даврда активдан фойдаланиш харажатлари, яъни уни таъмирлаш харажатлари ва депресиация харажатлари бир маромликни сақлаб қолади.
Тезлаштирилган депресиациянинг иккита усули эътироф этилади: Сум рақам ва қолдиқни камайтириш усуллари.
Сум - рақам (Sum of the years – Digits Method) методида ҳар бир йил учун депресиация харажатлари бошланғич таннархдан ликвидацион қиймат чегирилгандан кейинги суммани доминатор ва номератор рақамлари асосида тақсимлашга асосланади.
Доминатор юқоридаги мисолимизда қуйидагича ҳисобланади: 5+4+3+2+1=15. Фойдали хизмат қилиш муддати катта бўлганда доминаторни қуйидаги формула орқали ҳисоблаш мақсадга мувофиқдир.
S = n((n+1)/2), бунда n – активнинг фойдали хизмат қилиш муддати.
S = 5((5+1)/2) = 15 га тенг