Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

2.5. Самарқанд туризм соҳасининг ривожланишида 
музейларнинг тутган ўрни 
 
Самарқанд шаҳрига келган туристлар нафақат қадимий ёдгорликларга, 
балки музейларга, боғларга ва бошқа кўнгилочар объектларга боришни 
ҳоҳлашади. Вилоятда бир қанча музейлар мавжуд бўлиб, улар, албатта, 
туристик қизиқиш объектлари ҳисобланади. Масалан, Самарқанд вилояти 
ўлкашунослик музейи, Ўзбекистон маданияти ва санъати тарихи музейи, 
Самарқанд шаҳар (Афросиёб) тарихи музейи, Садриддин Айний ёдгорлик уй 
музейи, Каттақўрғон шаҳар тарих-ўлкашунослик музейи, Пахтачи туман тарих 
музейи ва бошқалар киради
.
 
Самарқанд бадиий музей-қўриқхонаси. Самарқанд давлат бирлашган 
тарихий- меъморий ва бадиий музей-қўриқхонаси 1982 йили Ўзбекистон 

---

47 
маданияти ва санъати тарихи музейи ва унинг бўлимлари, шунингдек 
Самарқанд шаҳри ва Самарқанд вилоятидаги меъморий ёдгорликлар негизида 
ташкил килинган. Музей қўриқхона таркибига 8 та музей – Ўзбекистон 
маданияти ва санъати тарихи музейи (бош музей), Самарқанд вилоят 
ўлкашунослик музейи, Самарқанд шаҳри (Афросиёб) тарихи музейи, Улуғбек 
расадхонаси ёдгорлик тарихи музейи, Садриддин Айний ёдгорлик уй-музейи, 
Каттақўрғон шаҳри тарих ўлкашунослик музейи, Иштихон туман ўлкашунослик 
музейи, Пахтачи туман тарих музейи ва 6 та меъморий обидалар – Амир Темур 
мақбараси, Бибихоним жомеь масжиди, Шоҳизинда ансамбли, Ҳазрати Хизр 
масжиди, Хўжа Дониёр мақбараси, Ҳодир Девонбеги мадрасаси киради. Музей 
қўриқхона Самарқанд вилояти ҳудудида жойлашган музейлар хазинасидаги 
ноёб осори атиқалар ва тарихий обидаларни авайлаб асрайди, илмий жиҳатдан 
ўрганади, уларни янги топилмалар билан бойитади, улар асосида янги 
экспозиция ва кўргазмалар ташкил қилади; шунингдек, улар ҳақида китоблар, 
каталог, буклет, йўл кўрсаткичлар нашр этади, тарихий обидаларда 
музейлаштириш ишларини олиб боради, музей қўрикхона ҳудудида амалга 
ошириладиган қурилиш ва таъмирлаш ишларини назорат қилади.