Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

Афросиёб – Самарқанд шаҳар тарихи музейи. Самарқанд шаҳар тарихи 
музейи 1970 йилда ташкил этилган. Музей Афросиёб шаҳарчасида – 
Самарқанднинг қадимий, мўғиллар истилосигача бўлган қисмида жойлашган. 
Музей экспозиция залларида милоддан аввалги биринчи минг йилликнинг 
ўрталаридан XIII асрнинг бошларигача бўлган шаҳар тарихини ёритувчи 
экспонатлар намойиш этилган. 
Самарқанд икки минг йил давомида (Сўғд ёки Сўғдиёнанинг) марказий 
шаҳри бўлиб, музейда намойиш этилаётган экспонатлар Самарқанднинг юқори 
даражадаги маданий, сиёсий, диний ва ишлаб чиқаришдаги ҳаётини яққол 
ёритади. 
Музейда Самарқанднинг моддий маданиятини ёритувчи сопол, шиша, 
тош, метал, суяк, корапиластика ва меъморий нақшлардан иборат бой 
тўпламлар сақланади. Булар қарийб 20 мингдан ортиқ осори-атиқаларни 
ташкил қилади. Бу экспонатларнинг асосий қисми музейнинг 11 та залидан 
иборат экспозицияларида намойиш этилиб, қолган ёрдамчи материаллар музей 
фондларида 
сақланмоқда. 
Биринчи 
қават 
экспозициясида 
Афросиёб 
шаҳарчасининг ўрганилиш тарихи, Сўғднинг милоддан аввалги VIII-VII 
асрлардан милодий VII-VIII асрларгача бўлган тарихий даврларни экспонатлар 
билан ёритган. Музейнинг марказий залида Сўғд ҳукмдори (Ихшиди) Вархуман 
саройидаги «Элчилар хонаси»нинг суратлари жойлашган. 
Самарқанд шаҳрининг 2750 йиллик юбилейи муносабати билан 
музейнинг иккинчи қават экспозиция заллари тўлиқ қайта ишга туширилди. 

---

49 
Афросиёб қазишмаларидан топилган осори-атиқалар асосида Ўрта 
Осиёда мусулмон уйғониш даври тарихи ва маданияти намойиш этилмоқда. 
Экспонатлар мавзуси Самарқанднинг IX-XIII асрларга оид моддий маданияти 
тарихини ёритган.
31-расм. Афросиёб музейи 
 
Шунингдек, қадимий Афросиёб шаҳарчаси ҳақида кореяликлар 
томонидан видео ишлаб чиқилган бўлиб, музейга ташриф чоғида ушбу видеони 
томоша қилишингиз мумкин.