Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

Садриддин Айнийнинг ёдгорлик уй-музейи. Янги тожик адабиётининг 
асосчиси, янги ўзбек адабиётига салмоқли ҳисса қўшган ёзувчи Садриддин 
Айнийнинг ёдгорлик уй-музейи Ўзбекистон ҳукуматининг 1964 йил 16 
июндаги қарорига биноан 1967 йил 19 майда ташкил қилинган. Музей 
Садриддин Айний кўп йиллар (1923-1954 й.й.) самарали ижодий меҳнат, фаол 
ижтимоий ҳаёт ва илмий-педагогик фаолият олиб борган уйида жойлашган. 
Ёдгорлик 
музейининг 
кўргазмаси 
(экспозицияси) 
Ўзбекистон 
ҳукуматининг Садриддин Айний ёдгорлик уй-музейини очиш ҳақидаги қарори 
ўрнатилган шимол томондаги айвондан бошланади. Шу ернинг ўзида 
музейнинг 
очилишига 
бағишланган
митинг 
ва
музейнинг 
биринчи 
меҳмонлари туширилган фотосуратлар кўргазмаси жой олган. Ёзувчи 
таваллудининг 
100 
йиллигига 
бағишлаб 
ҳайкалтарош 
Ҳакимхўжа 
Ҳусниддинхўжаев томонидан ганчдан ишланган бюст ҳам шу ерда жойланган. 
Айвон ёнида ёзувчининг биринчи ишхонаси бўлиб, бу ерда Садриддин 
Айний 1923 йилдан 1937 йилгача ишлаган. Бу хонада Устоз Айний томонидан 
«Одина», «Қулбобо», «Эски мактаб», «Судхўрнинг ўлими» повестлари, 
«Дохунда», «Қуллар» каби романлари ёзилган ва «Ёдгорий» шеърий тўплам 
нашрга тайёрланган. 
Иш кабинетининг ёнидан Садриддин Айнийнинг дам олиш хонаси жой 
олган. «Нақшинкор» деб номланадиган бу хонада Садриддин Айний 1937 
йилгача яшаган. Бу ерда ҳамма нарсалар худди ёзувчи ҳаётлигидагидек 
жойлаштирилган. Бурчакда қиш пайтида ёзувчи исиниб ўтирган сандал бор ва 
Айний фойдаланган бошқа уй анжомлари жойлаштирилган. 
Дам олиш хонасида Садриддин Айний турли шаҳарлардан ташриф 
буюрган чет эллик меҳмонларни қабул қилган. Бу хонада Садриддин Айний 
асарларининг кўп қисмлари ёзилган. «Нақшинкор» хона даҳлезида Садриддин 
Айнийнинг «Бухородаги ҳаёти ва ижоди» экспозицияси такшил қилинган 

---

53 
бўлиб, унда ёзувчининг болалиги, унинг эски мактаб ва кўпгина Бухоро 
мадрасаларидаги ўқиши, дўстлари ҳамда унинг 75-дарра билан жазоланиши, 
Бухоро зиндонига ташланиши, халос этилиши, Когон касалхонасида 
даволаниши ҳикоя қилинади. 
 
35-расм. Музей экспонатлари 
 
Жанубий айвоннинг интерьери (ички қисми)да шу уйда ёзилган асарлар 
муқоваларининг суратлари қўйилган бўлиб, уларнинг муаллифи Самарқандлик 
санъаткор, Ўзбекистонда хизмат кўрсатган маданият арбоби Даврон 
Сафоевдир. Жанубий айвоннинг ёнида, катта кўргазма зали жойлашган бўлиб, 
унда ёзувчининг Самарқанддаги ҳаёти ва ижоди ўз ифодасини топган. 
Катта кўргазма залининг ёнида ёзувчининг ётоқхонаси жойлашган. Бу 
ерда ҳаётлигида фойдаланган кийими, жавони, столлар, стуллар ва бошқалар 
сақланган (1937-1954). Бундан ташқари бу эрда ёзувчининг давлат арбоблари, 
ёзувчилар, олимлар, рассомлар томонидан ташкил этилган совға буюмлари 
кўргазма сифатида қўйилган: масалан, 1968 йилда Тожикистон маданият вазири 
Меҳрубон Назаров олиб келган Садриддин Айний портрети ишланган гилам 
осиб қўйилган. Таниқли Ўзбекистон Кулоли Мухиддин Раҳимов ва рассом 
М.М.Воронский томонидан музейга «Фарход ва Ширин» деб номланган гулдон 
совға қилинган.