Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

Иштихон туман тарихи музейи. Иштихон ҳақидаги илк маълумотларни 
биз V-VIII асрларга оид Хитой манбаларида ўқишимиз мумкин. Айтилишича, 
Хитой тилида Иштихон «Сао» деб юритилган. Иштихон араблар истилосигача 
ва ундан кейинги бир неча асрлар давомида суғдларнинг «ихшид» деб аталувчи 
қабилалари яшаган хонликнинг маркази бўлган. «Иштихон» сўзи ҳам аслида 
шу хонликнинг номи «Ихшидхон» сўзидан келиб чиққан ва талаффузда ўзгара 
бориб, кейинчалик «Иштихон» деб номланган. 

---

54 
 
36-расм. Музейнинг ташқи кўриниши 
 
Хонликнинг маркази Иштихон карвон йўли устида жойлашганлиги 
туфайли ўрта асрларда савдо шаҳри сифатида ривож топган. Бу ерда 
ҳунармандчилик турлари, айниқса юзига нақш солиб тайёрланган ихчам 
ғиштлар машҳур бўлган. IХ-ХI асрларда бу ерда ҳокимиятни бошқарган хонлар 
ўз номлари билан мисдан танга пуллар чиқаришган. Ўша вақтларда Иштихон 
олти дарвозали шаҳристондан ва атрофи работлардан иборат бўлган.
Аммо мўғуллар истилосидан кейин ҳамда ўзаро феодал урушлар 
оқибатида шаҳарнинг кундан-кунга мавқеи йўқола боради ва ХVII аср 
охирларида шаҳар батамом бузилиб, унинг ўрнида кичик қишлоқ қолади. 
37-расм. Музейнинг ички кўриниши 
 
Музейнинг экспозиция залларида унинг ўтмиши, тарихи, табиати, 
ўсимлик дунёси ҳақида сўзловчи экспонатлардан ташқари, туманнинг бугунги 

---

55 
куни, яъни, мустақиллик йилларида иқтисодиёт, спорт, маданият ва 
шаҳарсозлик соҳаларида эришилган муваффақиятларини кўришингиз мумкин. 
Иштихон туман тарихи музейида 2014 йилда катта таъмирлаш ишлари амалга 
оширилди. 
Пахтачи туман тарихий музейи. Пахтачи туман тарихий музейи 1970 
йилда ташкил топган. Музей 7 та залда фаолият кўрсатаётган экспозициялардан 
иборат. Археология зали – бу ерда XVI-XVII асрларга оид экспонатлар мавжуд. 
Экспонатлар қадимий Добусия қалъасидан археологик қазилмалар чоғида 
топилган, Оқтепа ва Қоратепадан келтирилган. Аҳолининг турмуш ва хўжалик 
ҳаётини акс эттирувчи залда ошхона ва ошхона жиҳозлари, ҳунармандчилик 
буюмлари мато тўқиш дастгоҳи, дехқон уйлари, темирчилик устахонаси, 
уларнинг асбоблари ҳамда деҳқончилик асбоблари қўйилган.
Амир Темур ва темурийлар экспозициясида Сохибқирон Амир Темур ва 
темурийлар давлатчилиги, илм-фан, маданият, бунёдкорлик ва бошқа 
соҳалардаги бой мероси, шунингдек, Алишер Навоий, Абу Али ибн Сино каби 
буюк алломалар ҳаёти, илмий, адабий, маданий ва маънавий меросларини акс 
эттирувчи экспонатлардан иборат. Халқ амалий санъати – XVII-XVIII асрга оид 
эркаклар ва аёллар кийимлари, тақинчоқлари, паранжи ва сўзаналар намойишга 
қўйилган.
XX аср маърифатпарварлари Чўлпон, Фитрат ва бошқалар ҳақида 
сўзловчи экспонатлар, расм ҳамда маълумотлар ташриф буюрувчилар 
диққатини ўзига жалб этади. Ушбу бўлимда халқимизнинг машҳур ҳофизлари 
Ж.Султонов, Ю.Ражабий, М.Узоқов, К.Отаниёзов фотосуратлари жамланган. 
38-расм. Музейнинг ташқи кўриниши 
 
Ўзбекистон Республикаси мустақиллигининг 25 йиллиги муносабати 
билан 
«Мустақиллик 
экспозицияси»да 
Биринчи 
Президентимиз 

---

56 
И.А.Каримовнинг фотосурати, давлат рамзлари – герб, байроқ, мадҳия 
ҳақидаги маълумотлар билан бошланган. Шунингдек, ушбу бўлимда намунавий 
уй-жойлар, касб-ҳунар коллежлари, сумалак ва Наврўз байрамлари, қўли гул 
ҳунармандларнинг фотосуратлари тасвирланган. «Самарқанд: кеча ва бугун» 
деб номланган экспозицияда Самарқанд шаҳрининг мустақилликдан олдин ва 
кейинги даврлардаги кўринишлари фотосуратларда акс эттирилган.