Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

 
3.2. Туристик маҳсулотни яратишда “энг мазали нон”, “энг нафис қоғоз”, 
“энг зўр театр”, “энг жозибадор гиламлар” ва “Шарқ тароналари” мусиқа 
фестивалининг ўрни 
 
Туристик маҳсулот туризм мақсадлари ва жараёнида туристнинг 
эҳтиёжларини қондириш учун етарли бўлган, барча туристик хизматлар, ишлар, 
товарлар ва таъминот воситалари ҳамда турпакетга киритилган бошқа
туристик хизматлар мажмуидан иборат. Туристик маҳсулот (турпакет) 
хизматлар ҳаракатининг 24 соатдан ортиқ вақтига эга ва ёки тунаб қолиш 
(жойлаштириш) ва бир жойдан бошқа жойга кўчиб ўтиш (юк ташиш) ни ўз 
ичига олади. Туристик маҳсулот барча кўрсатилган хизматлар ва барча 
ҳаражатларни ўз ичига олган умумий нарх бўйича таклиф этилади, унинг 
истеъмол хусусиятлари эса шартнома шартлари асосида амалга оширилади. 
Туристик маҳсулотнинг жозибадорлигида тур учун танланадиган туристик 
объектлар ва уларнинг мавзуси муҳим ўрин тутади. Шундай муҳим объект 
сифатида Самарқанд нони, қоғози, Эл мероси театри ва бошқаларни мисол 
қилишимиз мумкин. 
Самарқанд 
нони. 
Самарқанд 
нонлари 
нафақат 
мамлакатимиз 
ҳудудларида балки, бутун дунёга қадимдан ажойиб мазаси билан донг таратган 
неъматдир. Ҳозиргача ҳам ҳеч ким Самарқанддан Самарқанд нонисиз 
кетмайди. Айтишларича ҳақиқий Самарқанд нони 3 йилгача айнимас экан. Уни 
анча вақтдан кейин ҳам юзига сув пуркаб, тандир ёки печда иситиб тановвул 
қилиш мумкин. 
Самарқанд нонини қадимда Бухоро амири ҳам жуда хуш кўрган экан. Шу 
сабабли, амир ушбу нонни ўз саройида ёпишларини истабди. Сарой аъёнлари 
Самарқанддан энг яхши нонвойни олиб келиб, унга Самарқанд нонини ёпишни 
буюрибдилар. Нонвой улар айтганидек қилибди. Аммо унинг барча 
уринишларига қарамай, ноннинг на мазаси, на юмшоқлиги Самарқандда ёпган 
нонларидек чиқмабди. Шунда нонвой: «Ҳамма гап Самарқанд сувида ёки унида 
эмас, балки Самарқанд тупроғидан ясалган тандирда бўлса керак», – дебди. У 
айтганидек қилиб, Самарқанд сувини ҳам, уни ва тандирини ҳам 
келтиришибди. Лекин бу гал ҳам тандирдан чиққан нон кўнгилдагидек 
бўлмабди. Шунда нонвой: «Нонларимнинг Самарқанддагидек чиқиши учун 
Самарқанднинг бетакрор иқлими, об-ҳавоси зарур бўлса керак» – дебди. 
Самарқанд ҳавосини олиб келишнинг иложи йўқлигини тушунган амир 
нонвойни ортиқ қийнамабди. Амир севган Самарқанд нонини эса яна 
Самарқанддан келтиришни давом эттиришибди. 

---

59 
41-расм. Самарқанд нони 
 
Бугун ушбу ноннинг биргина бўлагини таътиб кўриш мақсадида бутун 
дунёдан шаҳарга келаётганлар бисёр. Самарқанд нони шифобахшлиги, ўзгача 
мазаси, бир бўлаги ҳам тўйимли экани билан азалдан довруғ қозониб келган.