Ўзбекистон республикаси олий ва ўрта махсус таълим вазирлиги самарқанд давлат чет тиллар институти

 
ТАРБИЯЧИЛАРНИНГ КАСБИЙ МАҲОРАТЛАРИ 
1. 
Тарбиячиларнинг ташкилотчи сифатидаги фаолияти билан боғлиқ 
маҳоратлари. Улар қуйидагилар: 
кўпчилик ўкувчиларнинг шахсий хусусиятларига ва қизиқишларига мос ҳолда 
фаолиятга жалб қила олиш; 
турли ишларни белгиланган муддатда бажариш бўйича вазифаларни оқилона 
тасдиқлаш; 
турли рағбатлантирувчи омил ва педагогик усуллардан фойдаланган ҳолда, ўқувчилар 
жамоаси ишларида уларнинг қатнаша олишларига қизиқтириш ва фаолликларини ошириш 
бўйича хоҳиш уйғотишни таъминлаш. 
2. 
Гуруҳ раҳбарларининг тарбиячи сифатидаги фаолияти билан боғлиқ 
маҳоратлари. Улар қуйидагилар: 
ўқувчиларга Ўзбекистон Республикасининг ижтимоий-сиёсий вазифаларини 
тушунтира олиш; 
ўқувчиларнинг саволларига асосли жавоб бера олиши, суҳбат, баҳс юрита олиши, у 
ёки бу ҳолатларии исботлаш ва рад қила олиш; 
Ўзбекистон Республикаси давлат Қонунларида қабул қилинган моддаларни билиши 
ва уларга риоя қилиши; 
жамоанинг шахсга таъсирида тарбиявий имкониятлардан фойдаланиш; 
ўқувчиларнинг ёши ва шахсий хусусиятларини ҳисобга олиш; 
ўқувчилар билан ишлашда ўйинларни кенг қўллай олиш. 
3. 
Педагогик таъсир услублари билан боғлик маҳоратлар. Улар қуйидагилар: 
иш жараёнида мусобақа, талаб, рағбатлантириш, жазо, ишонтириш усулларидан 
фойдаланиш; 
ўқувчилар билан яккама-якка тартибда иш олиб бориш; 
ўқувчилар учун намуна бўлиш, ташқи кўринишда кўркамлик, ихчамлик; 
сўз ва иш бирлиги, жавобгарлик, пухталик ва ш.к.лар. 
4. 
Амалий маҳоратлар: 
гуруҳ бурчакларини, кўргазмаларни тайёрлаш ва ташкил қила олиш; 
деворий газеталарни тайёрлаш ва эшиттиришлар ташкил килиш, ўтказиш; 
жамоавий ўйинларни, қўшиқларни, рақсларни ташкил қилиш ва уларни ўтказа олиш; 
саёҳатларни ва экскурсияларни ташкил эта олиш, йўналишларни танлай олиш; 
спорт мусобақаларида ҳакамлик қилиш; 
содда нарсаларни ясай олиш; 
ўқувчилар байрамларини тайёрлаш; 
коллекцияларни безаш, икэбан ва гулдасталар тайёрлаш; 
расм чизиш; 
биринчи тиббий ёрдам кўрсата олиш.