Ўзбекистон Республикаси Олий ва Ўрта махсус таълим вазирлиги Рашидов юсуф каримович

Жамоат бинолари. Жамоат ва коммунал биноларда табиий ва механиқ вентиляция ишлатилиши мумкин. Бу биноларнинг вентиляция ускуналарининг сонига қараб вентиляция марказларига бирлаштирилади. Бу холда оқиб келиш марказлари ва кондиционерлар бинонинг ер тўласида ёки унинг биринчи қаватида жойдаштирилади. Алохида оқиб келиш қурилмалари бинонинг қаватларида жойлаштирилиши хам мумкин. Сўриб чиқариш марказлари койда бўйича техник қаватларда ўрнатилади. Вентиляция ускуналарида шовқин хоналарга тарқалмаслиги учун улар одатда бу хоналарда юқорида ёки пастда жойлаштирилади.
Ўкув ва лаборатория, маъмурий-хўжалик ва ёрдамчи хоналарда поликлиника ва касалхоналар биноларнинг блокларида алоҳида оқиб келиш ва сўриш вентиляция системалари лойиҳаланиши лозим.
Жамоат биноларида бир нечта хоналарни горизонтал сўриб чиқариш каналлари билан бирлаштирилиш ман этилади. Бундан ташқари санузел ва бошқа хоналарнинг сўриб чиқариш тешикларини бир каналларга улаш хам мумкин эмас.


3.6.2-расм. Жамоат бинони оқиб келиш ва сўриб чиқариш умум алмашув вентиляцияси.
1- ҳаво олиш панжараси, 2- шахта, 3- иссиқ клапан, 4-фильтр, 5-калорифер, 6-вентилятор, 7-ҳаво қувурлари, 8- ҳаво тақсимлаш ва ҳаво чиқариш панжаралар, 9-зонтли сўриб чиқариш шахтаси.


Саноат бинолари. Саноат бинолари ўзига хос бўлган вентиляция системалари ва жиҳозлари билан таъминланади. Корхонада ишлатиладиган вентиляция усули ва вентиляция ускуналарнинг сони технологик жараён, корхона қуввата ва иктисодий амалиёти билан аниқланади.
Саноат биноларида вентиляция ускуналари ишлаб чиқариш хоналарда ёки бинонинг ташқарисида, деворларида, томда жойлаштирилиши мумкин, аммо хар қандай холларда вентиляция ускуналарини ёнғин ва конденсат намлигидан химоя қилиниши ва уларга хизмат кўрсатилишига қўлай имкониятлар яратилиши керак.
Вентиляция системаларини лойиҳалашда ҳаво қувурларини узунлигини кискартиришга интилиш керак. Иктисодий хисобларга кўра оқиб келиш ускуналарининг ишлаш радиуси ҳаво қувурларидаги ҳаво тезлигига боғлиқдир.