Ўзбекистон Республикаси Олий ва Ўрта махсус таълим вазирлиги Рашидов юсуф каримович

Вентиляцион панжаралардаги хаво

Харкати тезлиги _ _ _ 10
Берилаётган хаво харорати _ _ _ 2
Хаво намлиги _ _ _ 5
Тизимнинг монтаж шилари тугагач вентиляцион қурилмаларнинг ишлаш давридаги ҳақиқиқй параметрларини аниқлаш учун, фойдаланишга топширишдан олдинги техник синов бажарилади. Созлаш натижасида юқорида келтирилган четка чиқишларни ҳисобга олган ҳолда бу параметрлар лойиҳада келтирилган қийматларга келтирилиши лозим. Бу техник синов ва созлаш ишлари монтаж ишларни бажарган корхона томонидан бажарилади. Лозим бўлиб қолган ҳолда бу иш махсус созловчи корхонага топширилади. Фойдаланишга топширишдан олдинги синов объект ишга туширилишидан олдин бажарилган бўлиши лозим. Синов ишлари тугагач «Вентиляцион ускуналарни созлаш ва синов ишлари бўйича акт» ва «Вентиляцион ускуналар учун паспорт» тузилади.
Тизимдан фойдаланиш даврида зарур бўлиб қолганда эксплуатацион техник синов ишлари бажарилади. Бу синов ишлари ускуна ва қурилмалар меъёриди ишлаётганда ва ажралаётган зарарли моддалар миқдори барқарор бўлганда бажарилиши лозим. Бундай синовлар қуйидаги ҳолларда: вентиляция тизими билан таъминланган хоналардаги технологик ускуналар фойдаланишга топширилганда; хона ичидаги ҳаво параметрлари санитария меъёрлари талабига мос келмаслиги аниқланганда; вентиляцион ускуналарни капитал таъмирлаш ёки унга конструктив ўзгартириш киритилгандан сўнг бажарилади.
Санитар-гигиеник синов ва текширув хонадаги ҳаво холати талаб этилаётган меъёрларга мослигини текшириш ва шунингдек созлаш ишлари бажарилгандан кейин вентиляция тизими иши сифатини баҳолаш учун бажарилади. Бу иш вентиляция тизимини иши ва хонадаги ажралиб чиқаётган зарарли моддаларни ҳисобий режимида бажарилади. Санитар-гигиеник синов ва текширув ўтказилганда қуйидаги кўрсаткичлар: ишчи жойи ва хизмат кўрсатиш зонасидаги метероологик шароит (ҳарорат, нисбий намлик ва ҳаво ҳаракати), хона ҳавоси таркибидаги чанг, газ ва буғ, киритилаётгна ҳаво таркибидаги зарарли моддалар миқдори, уларнинг параметрлари (ҳарорати ва нисбий намлиги), чиқазиб юборилаётган ва киритилаётган ҳаво миқдори аниқланади. Бундай синов ишлари ажралиб чиқаётган зарарли моддаларнинг турига кўра йилнинг турли даврларида: зарарли газ ва булар учун-йилнинг совуқ даврида, иссиқлик ажралиши-йилнинг иссиқ даврида; бир вақтнинг ўзида газ ва иссиқлик ажралганда иссиқлик режимни иссиқ даврда текширилган ҳолда совуқ даврда ўтказилади. Санитар-гигиеник текширув жараёнида зарарли моддаларнинг энг катта ва энг кичик қийматга эга участкалари, меъёрдаги технологик жараёнлардан четка чиқишлар, вентиляция тизими ишидаги носозликлар ва хонадаги ҳаво таркибидаги зарарли моддалар миқдорини ўзгаришига олиб келадиган бошқа кўрсаткичлар аниқланади.
Санитар-гигиеник текширувда олинган кўрсаткичлар вентиляцион ускуналарни созлаш учун, лозим бўлганда уларга конструктив ўзгартириш киритиш учун қабул қилинадиган қарорга асос бўлиб ҳизмат қилади.