Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

Иккинчи боб бўйича хулосалар
1. Бўлажак муҳандисларнинг лойиҳалаш фаолиятга тайёргарлигини такомиллаштиришга йўналтирилган электрон таълим муҳитини яратишда етакчи методологик асос бўлиб: тизимли, муҳитли, шахсий-фаолиятли, ахборот-кибернетик ёндашувлар хизмат қилади.
2. Тизимли ёндашув ғоялари олий таълим муассасаларида бўлажак муҳандисларнинглойиҳалаш фаолиятга тайёргарлигини муҳим тавсифий жиҳатларини аниқлаштиришда, ўзаро боғланган компонентлар тизими сифатида электрон таълим муҳити моҳиятини тушунишда ўз аксини топган.
3. Муҳитли ёндашувнинг таянч ҳолатлари, бўлажак муҳандисларни тайёрлаш тизимида аниқ бир педагогик потенциалга эга бўлган муҳитнинг теранлигини ва таъсир даражасини аниқлашга имкон беради.
4. Шахсий-фаолиятли ёндашувни амалга ошириш, ҳар бир талаба индивидуаллигини тан олиш, унинг шахсига эътиборли бўлиш, ўзини ривожлантиришга бўлган талабчанлик, интегратив тизим ҳаракатлари кўринишидаги математик ва табиий-илмий тайёргарлигини таҳлили ва шу кабилар билан таъминланади.
5. Ахборот-кибернетик ёндашув асоси бўлажак муҳандисларнинг умумкасбий тайёргарлиги босқичи билан, электрон таълим муҳити таркибий элементлари ўртасидаги маълумотлар боғлиқлигини бошқаруви ҳамда таҳлили учун келажакни очиб беради. Бу эса ўз навбатида бўлажак муҳандислар математика ва табиий-илмий лойиҳалаш фаолиятга тайёргарлигиниэлектрон таълим муҳитида такомиллаштириш жараёнини узлуксизлигини аниқлайди, функционал кўпжиҳатлилик ғоясини амалга оширади.
6. Фаолиятли ёндашув ўқитувчи ва талаба фаолиятининг асосий компонентларини ягона услубий позициядан кўриб чиқишга, шу билан бирга уларнинг ўзаро таъсири моҳиятини очиб беришга имкон беради: таълим жараёнини турли хил фаолият турларининг узлуксиз ўрин алмашинуви сифатида белгилайди; электрон таълим муҳитда тайёргарлик жараёнини барча иштирокчиларининг фаолияти ўзига хос хусусиятларини фаолият назариясиниг умумий концептуал қоидаларини педагогика соҳасига кўчириш орқали ўрганишга имкон беради.
7. Назарий-методологик таҳлил натижасида аниқланган ёндашувлар ўзаро боғланган: мақсадли, назарий-методологик, мазмунли-таркибий ва натижавий таҳлилий блокларни жамлаб таркибий моделни тузилишига шароит яратган.
8. Ишлаб чиқилган методика олий таълимда бўлажак муҳандисларнинг лойиҳалаш компетентлигини ривожлантиришда, электрон таълим муҳити педагогик потенциалини максимал даражада амалга ошириш имкониятини яратади.