Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

3.2. Бўлажак муҳандисларда лойиҳалаш компетенлигини ривожлантириш юзасидан тажриба-синов ишлари самарадорлигини баҳолаш
Тажриба-синов ишларини олиб боришда олинган натижалар самарадорлигини аниқлаш мақсадида бўлажак муҳандисларнинг касбий билим ва кўникмаларини баҳолашда тажриба-синов майдони этиб белгиланган олий таълим муассасаларидан иккита параллел тажриба-синов ва назорат гуруҳларида эришилган натижалар бир-бири билан таққосланди.
Назорат ва тажриба-синов гуруҳларининг натижалари мунтазам таҳлил этилди ва бир-бирига қиёсланиб, хулоса чиқарилди. Зарур бўлган ҳолларда бу жараёнда бевосита иштирок этувчи ўқитувчилар томонидан билдирилган фикр-мулоҳазалар атрофлича муҳокама этилиб борилди. Бунинг учун 3 йил мобайнида назорат ва тажриба-синов гуруҳларида тадқиқот-кузатув ишларини олиб бордик.
Биз тажриба-синовнатижаларининг ҳақиқийлигини таъминлаш учун математик-статистик ишлов берилди.
Самарқанд архитектура ва қурилиш институт ўтказилган тажриба-синов натижаларига кўра, назорат ва тажриба гуруҳларидаги талабаларнинг натижалари қуйидагича бўлди: Тажриба гуруҳларида тажриба бошида 13,6% (10 нафар) талаба аъло баҳо олган бўлса, назорат гуруҳларида тажриба бошида 9% (10 нафар) талаба аъло баҳо олган, тажриба охирида тажриба гуруҳларида 34% (35 нафар) талаба аъло баҳо олди 20,4% га ортганлигини, назорат гуруҳларида эса 13,6% (14 нафар) талаба аъло баҳо олди яъни 4,6% га ортганлигини кўришимиз мумкин.

3.2.1- жадвал

Самарқанд архитектура ва қурилиш институти ўтказилган тажриба синов натижалари.

ОТМ номлари	Кўрсаткичи	Тажриба-синов гуруҳлари				Назорат гуруҳлари
		Тажриба бошида талаба сони	%	Тажриба охирида талаба сони	%	Тажриба бошида талаба сони	%	Тажриба охирида талаба сони	%
Самарқанд архитектура ва қурилиш университети	юқори	17	13,3	33	34	10	11	14	14,4
	ўрта	38	38,7	42	43,2	38	41,7	35	36
	паст	43	43,8	22	22,6	43	47,2	48	49,4