Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика

Катта гуруҳда мазмунли расм чизишга ўргатишнинг мазмуни ва вазифалари. Бола беш ѐшдан бошлаб маълум мавзудаги расмларни чиза олиш қобилиятига эга бўлади. У теварак-атрофни ўзгаришларини тасаввур қила олади ва чизишга ҳаракат қилади. Бу ѐшдаги болаларга қуйидаги мавзудаги расмлар чизиш тавсия қилинади:
«Болаларнинг қишки ўйинлари».
«Боғчада сенга нималар қизиқарли, шуларни чиз».
«Мен онамга гулдаста совға қиляпман».
«Қурувчилар янги уй қуряптилар»
«Она болани боғчага олиб кетяпти» «Болалар қорбобо ясаяптилар».
К атта гуруҳдаги болалар бадиий асарлардан олинган таассуротлари асосида ва эртак мазмунини тушунган ҳолда қуйидаги мавзуда расм чиза оладилар. Масалан, «Икки очкўз айиқча», «Айѐр тулки ва кулранг бўри», «Мушук, хўроз ва тулки» ва бошқалар. Бу чиздирилган расмлар аниқ ва конкрет масалада бўлишига аҳамият бериш керак. Масалан, «14 январь - Ватан ҳимоячилари куни», «8 март-Оналар байрами», «21 март-Наврўз байрами». Катта гуруҳда ўтказиладиган расм машғулотлари қизиқарли, саволларга жавоб олган ҳолда, асарда қатнашаѐтган ҳар бир персонажга тавсиф берган ҳолда рангларни танлай олиш ва вараққа жойлаштириш вазифаларини белгилаш керак. Болалар томонидан ишланаѐтган ҳар бир расмда предметларнинг ҳажми, ўлчовларини чамалаш билан бирга ўзоқ-яқин, олдинма-кетин, устма-уст, кетмакет жойлаш мумкинлигини тушунтириш керак. Бу ѐшдаги болалар айниқса эртак мультфильмларни томоша қилишни яхши кўрганликлари сабабли шу мавзудаги расмлар чизишни яхши кўрадилар. Бола расм чизишни варақнинг энг четидан бошлаб чизиш билан бирга предметларни жойланишини кўрсатиши керак ва бўѐқларни танлай олиши ҳам мухим аҳамиятга эгадир. Болани расм машғулотига тайѐрлаш учун унга керакли расм анжомларини ҳозирлаган ҳолда, биронта куй эшиттириб акварел бўѐқ бериб маълум мавзу ва мақсад асосида расм чизиш ишини бошлаш лозим.
5-6 ѐшли болалар расмларининг мазмуни анча бой бўлади. Бунда болалар фақат предметларни чизишмайди, балки предметларнинг атрофдаги шароитни ҳам тасвирлайди.
Қуйидаги вазифалари бор:

• 
  Объектлар орасидаги ўзаро мазмунан боғлиқликни тасвирлашга ўргатиш.
  
• 
  Композицион қобилиятларни ривожлантириш (бунда қоғозда горизонтал чизиғини белгилаб чизиш).
  
• 
  Ранг қобилиятларини ривожлантириш.
  

Бу ѐшдаги болаларда ҳар бир мавзунинг мазмуни олдиндан конкрет аниқланган бўлиши керак. Уларга масалан, «Байрам» мавзусини бериш керакмас, чунки бола ѐ мавзуга алоқадор бўлмаган нарсани чизиш, ѐ ўзининг имкониятига тўғри келмайдиган, кучи етмайдиган масалани қўйиш мумкин.