Ўзбекистон республикаси олий ва ўрта махсус таълим вазирлиги наманган муҳандислик-қурилиш институти

2017-йилнинг об-ҳаво шароитлари ҳам кўп йиллик ўртача шароитлардан фарқ қилди. Қишнинг январ, феврал ойлари ва баҳорнинг март ойи нисбатан илиқ ва қуруқ келди. Бу ойларда ҳавонинг ўртача ҳарорати ўртача тегишли равишда 1,0; 2,7 ва 9,2 ^оС ни ташкил этиб, кўп йиллик ўртачадан +2,5; 1,4 ва +0,5 ^оС га юқори бўлди. Ёғин миқдори 22,4; 54,5 ва 15,2 мм га тенг бўлди. Бу кўрсаткичлар кўп йиллик ўртачадан 16,0; 47,6 ва 5,5 мм га кўпдир.
Апрел ойи нисбатан салқин келди, бу ойда ҳавонинг ўртача ҳарорати 16,0 ^оС ни ташкил қилиб, кўп йиллик ўртачадан -0,5 ^оС га паст бўлди. Ёғин миқдори кўп бўлиб, 52,1 мм га тенг бўлди, ёки кўп йиллик ўртачадан 44,3 мм га кўп бўлганлиги кузатилди.
Май ойининг об-ҳавоси ҳам иссиқ келиши билан ажралиб турди. Бу ойда ҳавонинг ўртача ҳарорати юқори бўлиб, 26,5 ^оС ни ташкил этди, ёки кўп йиллик ўртачадан 2,3 ^оС га юқори бўлди. Ой давомида ёғингарчилик ўртача бўлиб, 15,5 мм ни ташкил этди. Бу кўрсаткич кўп йиллик ўртачадан 9,8 мм га кўпдир.

14

13
Июн ойида ҳам ҳавонинг ўртача ҳарорати юқори бўлиб, 27,8 ^оС га тенг бўлди. Ой давомида ёққан ёғин миқдори, 5,2 мм ни ташкил этди. Кўп йилликка нисбатан 2,8 мм кўп ёққани маълум бўлди. Июл, август, сентябр ойлари нисбатан иссиқ келди. Бу ойларда ҳавонинг ўртача ҳарорати кўп йиллик ўртачадан тегишли равишда 2,1; 1,7; 2,3 ^оС га юқори бўлди. Июл, август ойида ёғингарчилик кузатилмади. Сентябр ойида ёққан ёғин миқдори кўп йиллик ўртачадан 11,4 мм га кўп бўлди.
Март, апрел, май, июн, июл, август ва сентябр ойларида самарали ҳарорат йиғиндиси кўп йиллик ўртачадан юқори бўлди. Бунинг сабаби ёз ойлари ва сентябр ойининг иссиқ келиши билан боғлиқ. Вегетация давридаги самарали ҳарорат йиғиндиси кўп йиллик ўртача кўрсаткичга нисбатан 230,0 ^оС га юқори бўлди. Бундай шароит ғўзанинг вегетатив ва генератив оргинлари яхши ўсиб ривожланишига шароит яратди. Вилоят ҳудудига хос 2016-2017-йиллардаги об-ҳаво шароитлари ҳақидаги маълумотлар 2.1-жадвалда келтирилган.