Ўзбекистон республикаси олий ва ўрта махсус таълим вазирлиги наманган муҳандислик-қурилиш институти

3.3-расм. Сувни электрокимиёвий фаоллаштириш механизми
Расмдан кўриниб турибдики, катоддаги асосий кимёвий реакциялар водородни ҳосил бўлишидир, иккинчи томондан - эриган кислородни гидроксил ионигача тикланишидир, бунинг ҳисобига муҳит ишқорланади. Гидроксил ионлари металл ионлари билан бирикиб, гидродсидларни ҳосил қилади. Эритмада магний гидроксиди - қийин эрувчан асос бўлганлиги сабабли, чўкмага тушади. Магний гидроксиди тўла чўкиб бўлгандан сўнг кальций гидроксиди ҳосил бўлади, эритмада рН=11,5 га етганда, Са²⁺ ионлари сувда доимо мавжуд бўлган ионлари билан таъсирланиб, навбатдаги чўкмани ҳосил қилади. Яъни ишқорий сувнинг қаттиқлиги пасаяди. Анодда эса кислород ва хлорнинг ажралиши содир бўлади. Хлор сув билан ўзаро таъсирлашиб, гипохлорит кислота (HСlO) ҳосил қилади, бунинг натижасида муҳит кислотали бўлади [126; 86–88-б.,162; 1101–1104-б.].
3.3-§ Сувни электрокимёвий фаоллаштириш ва аналитик таҳлил қилиш
Электрокимёвий фаоллаштирилган сув асосида катта мум куяси қуртини озиқлантириш ва ундан бракон кўпайтириш технологиясини яратиш бўйича тадқиқотларда асосан ҳозирга қадар биофабрика ва биолабораторияларда ишлатилаётган табиий оқава ва водопровод сувларини электрокимёвий фаоллаштиш асосида ишлатиш назарда тутилган бўлиб, тажрибаларимизда фойдаланиш учун ишлатиладиган сувни физик-кимёвий хоссаларини ўрганиш, олинган сув намуналарни электрокимёвий фаоллаштириш, кимёвий таркибини асосан рН-водород кўрсаткичи қийматлари ва умумий қаттиқлиги бўйича таҳлил этиш назарда тутилди.
Тадқиқотлар учун олинган электрокимёвий фаоллаштирилган сувнинг таркиби ва унинг рН қийматлари Наманган “Сувоқава” давлат корхонаси марказий лабораторияси билан ҳамкорликда ичимлик сувларига қўйиладиган гигиеник талаблар ва сифатини назорат қилиш бўйича Ўзбекистон Давлат стандарти талаблари асосида аниқланди. Бунинг учун 2016 йилда Наманган ва Фарғона канали ҳамда водопровод сувларидан 50 литрдан намуналар олинди.
Ускунада сувнинг электрокимёвий усулда фаоллаштиришнинг меъёрий вақтини ва олинган анолит ва католитларнинг кимёвий ва физикавий хоссаларини, турғунлигини энг мақбул вариантини танлаш мақсадида тажриба учун олинган сув намуналари (Наманган канали, Фарғона канали ва водопровод сувлари)ни турли вақтларда (1 минутдан 10 минутгача) электрокимёвий ишлов берилиб, энг меъёрий вақт 9-10 минут оралиғида бўлишини аниқланди. Ўлчашлар дастлабки дақиқаларда сувнинг кимёвий таркиби кам ўзгарганлигини кескин ўзгаришлар эса асосан 7-10 минут оралиғидаги вақтларда содир бўлишини исботлади. Бунда асосан сувдаги ҳосил бўлган кислотали муҳит (анолит)нинг рН қиймати 3,8-3,5 оралиғида ҳамда ишқорий муҳитга эга бўлган (католит)нинг қиймати эса 10,5-11,3 оралиғида ўзгарганлигини кузатилди [118; 58–60-б., 119; 54–55-б., 120; 67–68-б., 121; 102–109-б., 122; 202–206-б., 123; 138–139-б., 124; 316–319-б., 125; 156–163-б., 126; 86–88-б., 127; 12–34-б., 162;1101–1104-б. 163; 1–3-б.] (3,1-жадвал ва 3,4; 3,5-расмлар).