Ўзбекистон республикаси олий ва ўрта махсус таълим вазирлиги наманган муҳандислик-технология институти «сичтеи» кафедраси

Макроиқтисодий кўрсаткичлар – мамлакат яхлит иқтисодиёти даражасидаги ижтимоий-иқтисодий жараён ва ҳодисаларни ўлчаш ва баҳолаш имкониятини берувчи кўрсаткичлар. Масалан, ялпи ички маҳсулот, миллий даромад, иқтисодий ўсиш, ишсизлик, инфлятсия даражаси ва бошқалар.
Модернизатсия – объектни такомиллаштириш, яхшилаш, янгилаш, уни янги талаб ва меъёрларга, техник шарт-шароитларга, сифат кўрсаткичларига мослаштириш.
Меҳнат бозори – меҳнатга қобилиятли аҳолининг иш билан банд бўлган ва банд бўлмаган қисмлари ва иш берувчилар ўртасидаги муносабатларни ҳамда уларнинг шахсий манфаатларини ҳисобга олувчи шартномалар асосида ишчи кучи харид қилиш - сотишни амалга оширувчи, шунингдек, унга бўлган талаб ва таклиф ўртасидаги нисбатларни бевосита тартибга солувчи, бозор иқтисодиётининг мураккаб, кўп аспектли, ўсувчи ва очиқ ижтимоий-иқтисодий тизимчасидир.
Меҳнат ҳақи – жорий даврда иш берувчи томонидан ёлланган ходимга бажарган ишлари учун берилган пул ёки натура усулидаги тўловлар бўлиб, улар ҳисобланган суммалар йиғиндисидан ташкил топади ва икки қисмга бўлинади: иш ҳақи ва ижтимоий суғуртага ажратмалар
Мамлакатнинг иқтисодий ҳудуди – шу мамлакат ҳукумати томонидан бошқариладиган ҳудуд бўлиб, унинг чегарасида фуқаролар, товарлар ва капиталлар эркин ҳаракат қила олади.
Мехнат ресурслари баланси – мавжуд меҳнат ресурслари ва уларни фаолият турлари ва соҳалари бўйича тақсимланишни ифодаловчи кўрсаткичлар тизими.
Миллий ҳисоблар – бухгалтерия счётига ўхшаш формадаги жадваллар тизими бўлиб, у ЯИМни ишлаб чиқариш, тақсимлаш ва охирги фойдаланиш жараёнини характерлайди.
Миллий ҳисоблар тизими (МҲТ) – макро даражада бозор иқтисодиётини ёритиш ва таҳлил қилиш учун фойдаланиладиган ўзаро боғланган кўрсаткичлар ва тавсифномалар тизими. Унинг асосида йирик иқтисодчи олимлар Д. Кейс, Дж. Хикс томонидан яратилган сиёсий иқтисод йўналишлари ётади.
Миллий бойлик – кишилик авлоди меҳнати туфайли ва фойдаланиш мумкин бўлган табиий бойликлар йиғиндисидан ташкил топади. Меҳнат натижасида пайдо бўлган ишлаб чиқариш воситалари ва истеъмол буюмларидан иборат ноз-неъматлар йиғиндиси миллий мулк деб аталади.