Ўзбекистон республикаси олий ва ўрта махсус таълим вазирлиги наманган муҳандислик-технология институти «сичтеи» кафедраси

Тўхтовсиз инвентаризатсия усули – асосий фондларнинг тиклашдаги баҳосини аниқлаш учун (у ёки бу кунга нисбатан). Бунинг учун баҳо индекслари ёрдамида инвеститсияларнинг тиклашдаги баҳоси аниқланади.
Уй хўжалиги – умумий яшаш шароитларини ва айрим товар ва хизматларни биргаликда истеъмол қилиш учун ўз даромадларини ва моддий бойликларини бирлаштирган шахслар гуруҳи.
Фойда ва аралаш даромадлар – ялпи қўшилган қийматнинг бир қисми бўлиб, у ишлаб чиқарувчилар ихтиёрида иш ҳақи, ишлаб чиқариш ва импорт солиғини тўлагандан сўнг қолади. Бу модда мулкдан олган даромадни ҳисобга олмаган ҳолда ишлаб чиқаришдан олинган фойда ёки зарар суммасини ифодалайди. Бу уй хўжаликларига қарашли нокорпаратив корхоналарда бу мулк эгаси ва тадбиркор даромадидан ажратиб бўлмайдиган меҳнат учун тўловлар элементини ҳам ўз ичига олади. Шунинг учун уни аралаш даромад ҳам дейилади.
Фойда – корхона ва тижорат ташкилотларининг ишлаб чиқариш ва хўжалик фаолиятининг охирги молиявий натижаси. Балансдаги фойда корхонанинг маҳсулот (хизмат) ларини, ортиқча асосий фондларнинг ва бошқа мулкларни сотишдан олади. Сотишдан ташқари оператсиялардан олинган даромадлар (зарардан ташқари) ҳам шу кўрсаткич таркибига қўшилади.
Фонд бозори – қимматли қоғозлар ва бошқа молиявий воситаларнинг олди-сотди жараёнлари амалга оширилувчи махсус ташкиллаштирилган бозор.
Халқ хўжалиги баланси (ХХБ) – собиқ СССР ва сотсиалистик мамлакатларда қўлланилган тизим бўлиб, унда макроиқтисодий кўрсаткичлар тизими ўз аксини топган. ХХБ марксча кенгайтирилган такрор ишлаб чиқариш таълимотига асосланган.
Ялпи ички маҳсулот (ЯИМ) – марказий макроиқтисодий кўрсаткич; у ёки бу даврда шу мамлакат резидентлари томонидан ишлаб чикарилган охирги маҳсулотлар ва кўрсатилган хизматларнинг бозор баҳосида ҳисобланган ҳажми.
Ялпи миллий даромад (ЯМД) - шу мамлакат резидентларининг шу мамлакатнинг ва хорижий мамлакатларнинг ЯИМни яратиш давомида олган бирламчи даромадлари (мулкдан олган солиқ билан бирга)нинг йиғиндиси.