Ўзбекистон республикаси олий ва ўрта махсус таълим вазирлиги наманган муҳандислик-технология институти «сичтеи» кафедраси

Маҳсулотларга солиқлар – резидентлар томонидан ишлаб чиқарилган ва сотилган ёки импорт қилинган мол ва хизматларга мутаносиб равишда олинадиган солиқлар. Уларга масалан, қўшилган қиймат солиғи, актсиз, божхона тўловлари ва ҳ.к.лар киради.
Номинал иш ҳақи – пул формадаги иш ҳақи, фақат пул ҳажмини ифодалайди, унинг сотиб олиш қобилиятини ҳисобга олмайди.
Охирги истеъмол учун қилинган ҳаражатлар – уй хўжалиги аъзолари резидентларнинг истеъмол товарлари ва хизматлар сотиб олиш учун қилинган ҳаражатлари, шунингдек давлатни бошқариш органлари ва уй хўжаликларига хизмат кўрсатувчи нотижорат ташкилотларнинг якка тартибли ва жамоа исътемоли учун қилган ҳаражатлари йиғиндиси. ҳаражатларни бундай гуруҳлаш охирги истеъмолни ким томонидан молиялаштирилишини кўрсатади.
Оралиқ истеъмол – ишлаб чиқариш жараёнида бутунлай тўлиқ ишлатилган мол ва хизматлар қиймати.
Реал иш ҳақи – мавжуд истеъмол баҳоларига нисбатан тузатиш киритилган пул формадаги иш ҳақи. Унга қанча товар ва хизматларни сотиб олиш мумкинлигини кўрсатади.
Резидентлар – нисбатан узоқ вақт давомида ҳудудида иқтисодий қизиқиши бўлган институтсион бирликлар (корхоналар, ташкилотлар, уй хўжаликлари ва ҳ.к.лар).
Рентабеллик – корхона фаолиятининг фойдалик даражаси. Унинг тўрт хил кўрсаткичи мавжуд: корхона активлари рентабеллиги, хусусий капитал рентабеллиги ва сотилган маҳсулот рентабеллиги. Бу кўрсаткичларни балансдаги (соф) фойда кўрсаткичини корхона активларининг ўртача йиллик қиймати, муомалага чиқарилган актсиялар миқдори, хусусий капитал миқдори ва сотилган маҳсулот таннархига нисбати билан аниқланади.
Сектор – институтсион бирликлар йиғиндиси бўлиб, уларнинг мақсади, молиялаштириш манбалари ва функтсиялари бир хил бўлади, натижада уларнинг иқтисодий ҳуқуқи ҳам ўхшашиб кетади.
Субсидиялар – жорий тўловсиз, қайтарилмайдиган тўловлар бўлиб, улар давлатни бошқариш органлари томонидан маълум иқтисодий-ижтимоий сиёсатни амалга ошириш учун қилинади: маҳсулотлар ва импортга субсидиялар, ишлаб чиқаришга субсидиялар ва ҳ.к.