Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Кадрларни тайёрлаш ва жойлаштириш функцияси. – Кейинги йилларда илмий адабиётларда ушбу функция ҳақида камроқ ёзилмоқда. Лекин кутубхона-ахборот фаолиятини , ахборотлаштириш, кутубхоналарни компьютерлаштириш жараёни кетаётган бир пайтда кадрлар тайёрлаш ишлари биринчи ўринга чиқиб бормоқда. Шу билан бирга кадрларни жойлаштириш ишлари хам мухим ахамият касб этмоқда. Кутубхона-ахборот фаолиятида кўзланган натижаларга эришиш, кадрлар тайёрлашни ташкил этиш ва уларни жойлаштириш ишларини қанчалик йўлга кўйилишига ҳам кўп жиҳатдан боғликдир. Шундай қилиб бошқарувда кадрлар тайёрлаш ва жойлаштириш функцияси деганда, янги иш шароитларида ишлаш учун кадрлар тайёрлаш, уларни кайта тайёрлаш ҳамда ҳар бир ходимни индивидиуал имкониятларини ҳисобга олган холда бошқариш тушунилади.
Рагбатлантириш функцияси иккита аспектдан иборат. Биринчиси, кутубхона-ахборот фаолиятини бирон бир ривожланаётган ёки орқада қолаётган таркибий қисмини қўшимча молиялаштириш, техника билан таъминлаш ва бошқалар орқали рағбатлантириш. Иккинчиси, кутубхона ходимлари, бошқарув ходимларини моддий ва маънавий мукофотлаш, уларни ижодий ишлашлари учун, касбий ривожланишлари учун шароит яратиш. Кейинги йилларда ушбу функцияни, мотивациялаш функцияси деб аташмоқда. Яъний ходимларни самарали ва натижали ишлашлари учун ички хиссларини уйғотишдир. Тадқиқотлар шуни кўрсатмоқдаки, ходимларни доимий равишда ўзгариб турувчи талабларини ўрганиш ва уни қондиришга эришиш зарур. Рахбарлар доимий равишда бу талабларни ўрганиб боришлари ва ходимларни самарали ва сифатли ишлашлари учун шароит яратишлари керак.
Хисобга олиш функцияси –у бошкарувни ахборот базасини яратиш учун кутубхоначилик ишининг холати ва ривожланиши бўйича маълумотларни бир маромда ва мунтазам равишда тўплашдир. Кутубхона-ахборот фаолиятини бошқариш сохасидаги ҳисобга олиш ишлари хозирча ҳалқаро стандартларга туғри келмайди. Бу эса кутубхона-ахборот фаолиятини ривожланишини биздаги ва чет эллардаги холатини таққослаб тахлил қилишда кийинчиликлар туғдиради.