Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Ишчанг ҳамкорлик принципи- бу турли идораларга қарашли бўлган кутубхона ва ахборот муассасалари тармоқлари, истеъмолчиларни китоб ва ахборотга бўлган талабларини максимал даражада қондириш мақсадида ўз фаолиятларини мувоффиклаштириш, биргаликда кутубхона-ахборот ресурсларидан фойдаланишни билдиради. Барча кутубхона ва ахборот муассасалари тармоқлари ўз фаолиятларини мувоффиқлаштириш ишларини ишчанг ҳамкорлик принципи асосида амалга ошириши лозим. Бунда асосий мақсад- инсонларни маънавий ривожлантириш, уларни билим олиш ва илмий фаолиятлари учун ахборот ва маданий бойликлардан барчани фойдаланишини таъминлашдир. Ўзаро ҳамкорлик ишлари мавжуд қонунчилик асосида ва шартномаларга кўра, яъни ишчанг ҳамкорлик принципи асосида амалга оширилади.
Бошқарувда илмийлик принципи – бошқарувнинг барча тизимини кейинги йилларда бошқарув, ахборот ва кутубхонашунослик фанида эришилган ютуқлар асосида ташкил этишни билдиради. Илмий бошқаришда кутубхона-ахборот фаолиятини ривожланиш қонуниятларини, жамиятни ривожланишини объектив тенденцияларини хисобга олиш ва объектив равишда пайдо бўлган холатга кўра ва истиқболни эътиборга олган холда қарор қабул қилиш талб этилади.
Бошқарувчилар ва бошқарилувчилар тизимининг ўзаро мутаносиблиги принципида мухим омил бошқарувчи ва бошқарилувчи тизимнинг ўзаро мутаносиблиги бошқарув мехнатини техника воситалари билан таъминланганлигидадир. Хозирги вақтда кутубхоналарни компьютерлаштириш жараёни, уларни электрон воситалар билан таъминланаётганлиги кетаётган бир вақтда, бошқарув мехнатини кутубхона-ахборот фаолиятини техника воситалари билан таъминланганлигидан орқада қолиб кетмаслиги жуда мухим ахамият касб этади.Шунга эришиш керакки, кутубхона-ахборот фаолияти ва бошқарув мехнатини техника билан таъминланганлик даражаси ўзаро мутаносиб бўлиши керак.
Кутубхона-ахборот фаолиятини бошқаришда сиёсий ёндошув принципи бошқарувда Ўзбекистон Республикаси Конститутциясида қайд этилган, кутубхона ва ахборот муассасалари фондларида тўпланган ахборот ва маданий бойликлардан барча фуқороларни фойдаланиши учун шароит яратишда ўз аксини топади. Сиёсий ёндошув айникса кутубхона фондларида истеъмолчиларни сиёсий, иктисодий реформа, бозор муносабатларига ўтишга оид адабиётлар билан комплектлашда жуда ҳам зарур. Сиёсий ёндошув принципи, давлат сиёсатига оид адабиётларни таргиб қилишда ҳам намоён бўлади.