Ўзбекистон республикаси олий ва ўрта махсус таълим вазирлиги мирзо улуғбек номли ўзбекистон

Банкротликни яширганлик учун жиноий жавобгарлик.
Таҳлил этилаётган жиноят бозор 
иқтисодиёти шароитида банкротликни амалга оширишнинг белгилаб қўйилган тартибини, 
белгиловчи ҳамда таъминловчи ижтимоий муносабатларда намоён бўлади. 
Банкротликни яшириш жинояти бўйича 1б ёшга тўлган ҳар қандай шахс жавобгарликка 
тортилиши мумкин. Ўзбекистон Республикасининг Жиноят кодексининг 181-моддаси 1-қисмига 
кўра, хўжалик юритувчи субъектнинг ҳақиқатга тўғри келмайдиган маълумот ва ҳужжатларни 
тақдим этиш, бухгалтерлик ҳисоботларини бузиб кўрсатиш йули билан иқтисодий жиҳатдан 
ўзининг тўловга қодирлигини йўқотганлиги ёки иқтисодий ночорлигини бошқача тарзда қасддан 
яшириши кредиторларга кўп миқдорда зарар етказилишига сабаб бўлса, энг кам ойлик иш 
ҳақининг юз бараваридан икки юз бараваригача миқдорда жарима ёки беш йилгача муайян 
ҳуқуқдан маҳрум қилиш ёхуд уч йилгача аҳлоқ тузатиш ишлари ёки уч йилгача озодликдан 
маҳрум қилиш билан жазоланади. 
Монополияга қарши қонун хужжатларини бузганлик учун жиноий жавобгарлик. 
1996 йил 27 декабрда қабул қилинган “Товар бозорларида монополистик фаолиятни чеклаш 
ва рақобат тўғрисида”ги Ўзбекистон Республикасининг Қонуни хўжалик юритувчи 
субъектларнинг бозорда рақобатланиши билан боғлиқ бўлган муносабатларни тартибга солади, 
монополия фаолияти, яъни монополияга қарши қонунга зид бўлган фаолиятнинг олдини олиш ва 
уни бартараф қилишнинг ҳуқуқий асосларини белгилайди. 
Ушбу, жиноят хўжалик юритувчи субъектларнинг товар бозорида фаолият кўрсатиши бўйича 
белгиланган тартиб истеъмолчилар ва жамиятнинг қонуний манфаатларидир.
Ўзбекистон Республикаси Жиноят кодексининг 183-моддаси 1-қисмида назарда тутилган 
ҳаракатлар монополияга қарши фаолият олиб бориш ваколати берилган органга ахборот 
бермасликдан ёки била туриб ҳақиқатга тўғри келмайдиган маълумотларни тақдим қилишдан 
иборат бўлади. 
Жиноят кодексининг 183-моддаси 1-қисмида назарда тутилган жиноят монополияга қарши 
фаолият олиб бориш ваколати берилган органга ахборот ўтган ёхуд бу органларга била туриб 
ҳақиқатга тўғри келмайдиган ахборот тақдим этилган пайтдан эътиборан тамом бўлган деб 
топилади. 
Шахсни Жиноят кодексининг 183-моддасининг 1-қисми билан жавобгар қилиш учун у худди 
шундай қил-мишни содир этганлиги учун маъмурий жазо қўлланилган бўлиши керак. 
Жиноят кодексининг 183-моддаси 2-қисми монополияга қарши фаолият олиб бориш 
ваколати берилган органнинг қонунбузарликни тўхтатиш, дастлабки ҳолатни тиклаш, 
шартномаларни бекор қилиш ёки ўзгартириш ҳақидаги талабларини ёхуд бошқа қонуний 
кўрсатмаларини бажаришдан бўйин товлаш ёки уларни ўз вақтида бажар-масликда ифодаланади.