Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети биология-тупроқшунослик факуьтети

ДАВРА СУҲБАТИ ТЕХНОЛОГИЯСИ

Муайян фаннинг ўқитувчиси талабалар билими, ақлий етуклиги, мустақил фикрлай олиш даражаси ва унинг мутахассис ёки номутахассислигини ҳисобга олган ҳолда дарсни ташкил этади.

Ҳар қандай фан ўқитувчисиниг асосий мақсади – талабанинг юқори, мустахкам, замонавий билим олишига, келажакда уни қўллай олиши, келгуси замон ривожланиши билан ҳамоханг ғоялар, илмий ёндошувларни бераоладиган мутахассис бўлишига эришишдир. Ривожланган давлатларнинг олий таълим муассасаларида ўтиладиган дарс жараёнларини таҳлил этадиган бўлсак, аудиторияда ўқитувчининг маъруза ўқишидан талабанинг мустақил билим олишига интилишади, ҳамда маърузаларни ҳам давра сухбати, мунозара каби кўринишида олиб боришга интилишади. Мазкур метод ҳам талабаларнинг ўзаро бирор муаммоли мавзу юзасидан ўзаро фикрлашишлари орқали мавзуни эгаллашлари, дарсда ўз фикрларини мустақил, эркин, ўзаро рақобатбардош талаблар асосида баён этишларидан иборатдир. Шунинг учун ҳам давра суҳбати дарсларини ташкил этишга ўқитувчи талабалар билан биргаликда тайёргарлик кўради. “Давра суҳбати” шаклида олиб бориладиган дарсларда ўқитувчи ташкилотчи бўлади ва ўқитувчи мавзуни танлайди, унинг режаси ва саволларини тузиб, талабаларга бир неча кун олдин тарқатади. Талабалар мустақил тайёргарлик кўрадилар, бундан асосий мақсад, мавзуга оид билимларни атрофлича ўргатишдан иборат бўлиб, улар мавзу бўйича бир неча кун аввал мустақил тайёргарлик кўрадилар, дарслик, қўшимча адабиётларни ўқийдилар, кутубхона, ўқув зали ва интернет, ахборот технологияларидан фойдаланиб, маълумотлар тўплайдилар. Саволларга жавоб топадилар, ҳар бир талаба суҳбатга якка ҳолда ўз иқтидори билан тайёргарлик кўрадилар. “Давра суҳбати” аудиторияда талабалар орасида уюштирилади. Суҳбатни ўқитувчи ёки иқтидорли талабалардан бири бошқаради, талабаларга фикр-мулоҳазаларини билдиришларига ва ўзлари учун қизиқ бўлган саволларни берадилар ва шароитга қараб баҳоланадилар. Ушбу давра суҳбатида ҳар бир талаба ўз билимини, шахсий қарашлари ва фикрларини эркин ифода этадилар. Бундай дарслар талабаларга жамоа бўлиб тайёргарлик кўришларига, мавзу бўйича билим чўққиларини биргаликда ўқиб-ўрганиш ва забт этишларига, ўз фикрларини эркин ифодалашлариларига шароит яратади ва шунинг учун хизмат қилади.