Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети биология-тупроқшунослик факуьтети

г) қуйидаги ҳолларда талабанинг билим даражаси 0-54 балл билан
баҳоланиши мумкин:

• 
  фан бўйича машғулотларга таёргарлик кўрилмаган бўлса;
  
• 
  фан бўйича машғулотларга доир ҳеч қандай тасаввурга эга бўлмаса;
  
• 
  фан бўйича матнларни бошқалардан кўчириб олганлиги сезилиб турса;
  
• 
  фан бўйича матнда жиддий хато ва чалкашликларга йўл қўйилган бўлса;
  
• 
  фанга доир берилган саволларга жавоб олинмаса;
  
• 
  фанни билмаса.
  

ЯНГИ ПЕДАГОГИК ТЕХНОЛОГИЯЛАР

Иновацион технологиялар педагогик жараён ҳамда ўқитувчи ва талаба фаолиятига янгилик, ўзгаришлар киритиш бўлиб, уни амалга оширишда асосан интерактив методлардан тўлиқ фойдаланилади. Интерактив методлар – бу жамоа шаклда фикрлаш бўлиб, яъни педагогик таъсир этиш усуллари таълим мазмунинг таркибий қисми ҳисобланади. Бу усулларнинг ўзига хослиги шундаки, улар фақат педагог ва ўқувчи ва талабаларнинг биргаликда фаолият кўрсатиши орқали амалга оширилади.

Бу хилдаги педагогик ҳамкорлик жараёни ўзига хос хусусиятларга эга бўлиб, уларга қуйидагилар киради

• 
  ўқувчи - талабанинг дарс давомида бефарқ бўлмасликка, мустақил фикр юритш, ижод этиш ва изланишга мажбур этиши
  
• 
  ўқувчи-талабаларни ўқув жараёнида билимга бўлган қизиқишларини доимий равишда бўлишини таъминлаши
  
• 
  ўқувчи-талабанинг билимга бўлган қизиқишини мустақил равишда ҳар бир масалага ижодий ёндошган ҳолда кучайтириши;
  

• 
  педагог ва ўқувчи-талабанинг ҳамиша ҳамкорликдаги фаолиятини ташкилланиши.
  

Педагогик технологиянинг энг асосий негизи – бу ўқитувчи ва ўқувчи-талабанинг белгиланган мақсаддан кафолатланган натажага ҳамкорликда эришишлари учун танлаган технологияларига боғлиқ деб ҳисоблаймиз, яъни ўқитиш жараёнида, мақсад бўйича кафолатланган натижага эришишда қўлланиладиган ҳар бир таълим технологияси ўқитувчи ва ўқувчи ўртасида ҳамкорлик фаолиятини ташкил эта олса, ўқув жараёнида ўқувчи – талабалар мустақил фикрлай олса, ижодий ишлай олса, ўзи устида изланса, маълумотни таҳлил эта олса, ўзи хулоса қила олса, ўзига , гуруҳга, гуруҳ эса уларга баҳо бера олса, ўқитувчи эса уларнинг бундай фаолиятлари учун имконият ва шароит ярата олса, бизнинг фикримизча ана шу ўқитиш жараёнининг технологияси бор, яъни ўқув жараёнидаги педагог технология – бу якка тартибдаги жараён бўлиб, у ўқувчи-талабанинг эхтиёжидан келиб чиққан ҳолда бир мақсадга асоси ҳисобланади.Ҳар бир дарс, мавзу, ўқув предметининг ўзига хос йўналтирилган, олдиндан лойиҳалаштирилган ва кафолатланган натижа беришига қаратилган педагогик жараёндир.