Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети биология-тупроқшунослик факуьтети

Фан бўйича талабаларнинг билимига, кўникмасига ва малакасига қўйиладиган талаблар
Тупроқ физикаси фанини ўзлаштиришлари жараёнида талабалар тупроқ физикаси фанининг мазмуни, таркиби ва усуллари, тупроқ физикасининг дехқончиликни ривожлантиришдаги роли ҳамда унинг тупроқ эрозиясига қарши кураши ва суғорилиши ҳолатини яхшилаш чора-тадбирларини ишлаб чиқаришдаги ўрни, тупроқ физикасининг тупроқ хосил бўлиш жараёнлари, тупроқни муҳофаза қилиш ва экологик муаммоларни ечишдаги аҳамияти, тупроқ физикаси фанинг ривожланиш тарихи, тупроқ тўғрисидаги умумий тушунчалар, унинг табиий – дисперс ва капиляр – ковакчали система эканлиги, тупроқ физикасининг асосий вазифалари, тупроқларнинг газ, суюқ ва қаттиқ фазалари орасида ҳажм ва масса улушларининг муносабати, тупроқларнинг фазалараро қатламларга бўлиниши, тупроқнинг физик жисм сифатида намоён бўлишига тупроқ хосил бўлиш жараёнларининг таъсири, тупроқларни табиий физик жисм сифатида, метадологик таҳлил қилишнинг назарий тамойиллари, тупроқ тузилиши ҳақидаги ҳозирги замон тушунчалари, тупроқ қаттиқ фазасининг физикаси, тупроқнинг умумий физик хоссалари, тупроқ структураси, тупроқ, сув қисмининг физикаси, тупроқ ҳавоси ва унинг хоссалари, тупроқ хавоси узгаришининг тупроқ хоссалари ўсимликлар ривожланиши ва тупроқнинг бошқа хусусиятларига таъсири, тупроқнинг иссиқлик хоссалари каби тушунча ва билимларни етарлича кенг билишлари талаб этилади. Талабалар тупроқ физикаси фанини асосларини тўла ва мукаммал билишлари учун даставвал тупроқшунослик ва мелиорация фанларидан олган барча билимларини чуқур таҳлил қилиш асосида ҳар хил тупроқ типларига хос бўлган механик ва микроагрегат таркиблар, уларнинг келиб чиқиши, хоссалари, таснифи, уларнинг умумий физик, сув - физик, ҳаво, иссиқлик хоссаларини чуқур ўрганиш ва уларни бошқаришга қаратилган услубларни тўлиқ ўрганишлари талаб қилинади. Шу билан бир қаторда тупроқлар унумдорлигини оширишга қаратилган янги тупроқни ҳимояловчи ва ресурс тежамкор технологияларни қўллаш натижасида тупроқларнинг агрофизикавий хоссаларини ўзгаришини ҳамда уларни бошқариш йўлларини чуқур эгаллаш имкониятига эга бўлишлари лозим.