Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий университети биология-тупроқшунослик факуьтети

Фаннинг ўқув режадаги ва бошқа қанлар билан ўзаро боғлиқлиги ва услубий жиҳатдан кетма – кетлиги
Тупроқ физикаси фани бир қанча табиий фанлар билан жумладан, физика, геология, литология, механика, физика - кимё каби фанлар билан узвий боғлангандир. Тупроқ физикаси фанини чуқур ва мукаммал ўрганиш энг олдин тупроқшунослик, тупроқ мелиорацияси каби фанлардан олинган билимларни таҳлил қилиш асосида олиб борилиши мақсадга мувофиқдир.
Ўзбекистон Республикасида тупроқларнинг агрофизикавий хоссаларини ўрганиш соҳасида олиб борилган тадқиқотчилар: С.Н. Рыжов, С.Н. Пустовойт, М.У. Умаров, Ж. Икромов, Я. Носиров, Б. Гуссак, Л. Турсунов, С. Абдуллаев, Р. Қурвонтоев ва бошқаларнинг илмий изланишлари маълумотларини таҳлил қилиш.
Фаннинг ишлаб чиқаришдаги ўрни
Ўзбекистон республикасининг иқтисодий салоҳиятини белгилайдиган йўналиш қишлоқ хўжалиги ва ер ости бойликларидан иборатдир. Қишлоқ хўжалигида барча етиштириладиган озиқ - овқат ва кийим - кечак махсулотлари, табиий ва суғорма деҳқончиликда фойдаланиладиган технологиялар асосида яна тупроқларда амалга оширилади. Шу боисдан тупроқ физикаси фани асосий иқтисослик фани ҳисобланиб, ишлаб чиқариш технологик тизимида асосий ўринлардан бирини эгаллайди.
Фани ўқитишда замонавий ахборот ва педогогик технологиялар.
Талабаларнинг тупроқ физикаси фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион – педогогик технологияларни тадбиқ қилиш мухим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллар, виртуал стендлар ҳамда тупроқ монолитларидан фойдаланилади. Фаннинг ўқитиш турлари дастурда кўрсатилган мавзулар, маъруза, амалий машғулотлар шаклида олиб борилади. Шунингдек, атрофлича билим олишни таъминлаш мақсадида талабаларга мустақил иш мавзулари ҳам берилади. Фани педагогик услублар – кластер бумеранг, дебошлар тарзида ўтиш ҳам кўзда тутилгандир. Маълумотлар кўргазмали ўқув қуроллари кодоскоп, мультимедия, микросхемалар, диаграммалар ва чизмалар шаклида амалга оширилади.