Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон

11.5. Бино ва иншоотлар давлат кадастри бўлими бош мутахассиси:
тегишли тузилмавий бўлинмаларнинг бино ва иншоотлар давлат кадастрини юритиш соҳасидаги фаолиятини мувофиқлаштиришда иштирок этади;
бино ва иншоотлар давлат кадастрини юритиш соҳасида ахборотнинг тўпланиши, таҳлил қилиниши ва умумлаштирилишини таъминлайди;
тегишли идоралар ва тузилмавий бўлинмаларга бино ва иншоотлар давлат кадастрини юритиш бўйича услубий ёрдам кўрсатишда иштирок этади;
бино ва иншоотлар давлат кадастри соҳасига оид норматив-ҳуқуқий ҳужжатлар ишлаб чиқишда иштирок этади;
ишлаб чиқариш технологияси, кадрлар ва бошқа масалалар бўйича таклифлар киритади;
юзага келган муаммоларни ўрганишда, ҳудудий бўлинмаларнинг ишлаб чиқариш-хўжалик фаолиятини текшириш ва ходимларини аттестациядан ўтказиш ишларида иштирок этади;
бўлим бошлиғининг кўрсатмаси бўйича бошқа ишларни бажаради.

12. Ердан фойдаланиш ва уни муҳофаза қилишни назорат қилиш бошқармаси ходимларининг функционал вазифалари

Ердан фойдаланиш ва уни муҳофаза қилишни назорат қилиш бошқармаси иккита бўлимдан иборат:

ердан фойдаланиш ва уни муҳофаза қилишни назорат қилиш бўлими;
ер мониторинги бўлими.
12.1. Ердан фойдаланиш ва уни муҳофаза қилишни назорат қилиш бошқармаси бошлиғи:

бошқарманинг ҳамда “Ергеодезкадастр” давлат қўмитасининг ерлардан фойдаланиш ва уларни муҳофаза қилиш устидан давлат назорати, ер қонунчилигига риоя қилиш масалалари бўйича ишларини ташкил қилади ҳамда мувофиқлаштиради;

ерлардан фойдаланиш ва уларни муҳофаза қилиш устидан давлат назоратини норматив-ҳуқуқий ва ташкилий жиҳатдан таъминлаш бўйича кўрсатмалар, йўриқномалар, тавсиялар ишлаб чиқади ва белгиланган тартибда тасдиқлаш учун киритади;
бошқарма, жойлардаги ер ресурслари ва давлат кадастри бошқармалари ҳамда ер ресурслари ва давлат кадастри бўлимлари ходимларига ерлардан фойдаланиш ва уларни муҳофаза қилиш масалалари бўйича амалдаги қонун ҳужжатлари ҳамда бошқа норматив ҳужжатларни қўлланилиши борасида консультатив ва услубий ёрдам кўрсатади;
ер қонунчилигининг бузилиши борасида аниқланган ҳолларини бартараф этиш бўйича чоралар кўради;
ер эгалари, ердан фойдаланувчилар, ерни ижарага олувчилар ҳамда ер мулкдорларининг тупроқ унумдорлигини сақлаш ва қайта тиклаш, ерларни хўжалик фаолиятининг негатив оқибатларидан ҳимоя қилиш борасида манфаатдорлигини кўтаришга қаратилган иқтисодий рағбатларнтириш тадбирларини режалаштиришда иштирок этади;
ерлардан фойдаланиш ва уларни муҳофаза қилиш тўғрисидаги ҳисоботларни тўплаш, таҳлил қилиш ва умумлаштириш ишларига раҳбарлик қилади ҳамда уларни ташкил қилади;
бузилган қишлоқ хўжалик ерларни, агар тупроқ унумдорлигини бошқа усуллар билан тиклаш чорачи бўлмаса, консервациялаш бўйича комиссиялар таркибида иштирок этади;
ерлардан фойдаланиш ва уларни муҳофаза қилиш масалалари бўйича “Ўздаверлойиҳа” Ўзбек давлат ер тузиш илмий лойиҳалаш институти ҳамда Тупроқшунослик ва агрокимё давлат илмий тадқиқот институти томонидан бюджет маблағлари ҳисобидан бажариладиган илмий-тадқиқот ва лойиҳа-қидирув ишлари бўйича тематик режалар борасида таклифлар киритади ҳамда хулосалар беради;
Ўзбекистон Республикаси ер ресурсларининг ҳолати тўғрисидаги ҳар йиллик Миллий ҳисобот тегишли бўлимини тайёрлашда иштирок этади;
“Ергеодезкадастр” давлат қўмитаси ҳудудий органларининг энг яхши иш тажрибаларини умумлаштиради ва тарғибот қилади, ерлардан фойдаланиш ва уларни муҳофаза қилиш масалалари бўйича семинарлар, йиғилишларга тайёргарлик кўришда иштирок этади;
юридик ва жисмоний шахсларнинг ҳудудий ер ресурслари ва давлат кадастри бошқармалари ерлардан фойдаланиш ва уларни муҳофаза қилиш бўйича давлат инспекторларининг ер қонунчилигини бузганлик учун маъмурий жавобгарликка тортиш тўғрисидаги қарорлари устидан шикоятлари масалалари бўйича аризаларини кўриб чиқади;
ер қонунчилигини қўллаш амалиётини умумлаштиради, уни такомиллаштириш бўйича таклифлар киритади ҳамда ерлардан фойдаланиш ва уларни муҳофаза қилиш масалалари бўйича қонун ҳужжатлари ва бошқа норматив ҳужжатлар лойҳаларини таёрлашда иштирок этади;
ер қонунчилигини ташвиқот қилиш ишларини ҳамда ерлардан фойдаланиш ва уларни муҳофаза қилишни яхшилаш тадбирларини ташкил қилади.