Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

Узлуксиз таълим тизими
Мактабгача таълим
Давлат ва нодавлат мактабгача таълим муассасалари
Умумий ўрта таълим
Мажбурий умумий ўрта таълим
Ўрта махсус, касб-ҳунар таълими
Ихтиёрий равишда танланадиган ва ўқиш муддати 3 йил бўлган академик лицей ёки касб-ҳунар коллежи таълими
Олий таълим
Икки босқичли: 1-босқич - ўқёиш муддати камида 4 йил бўлган таянч олий маълумот -бакалаврлик; ўқиш муддати 2 йил бўлган магистратура
Олий ўқув юртидан кейинги таълим
докторантура ва ҳ.
Кадрлар малакасини ошириш ва қайта тайёрлаш
Мактабдан ташқари таълим
Ёш техниклар, ёш табиатшунослар, ёш сайёҳлар марказлари, мусиқа ва спорт мактаблари, клублар ва ҳ.
Олий таълим юқори малакали мутахассислар тайёрлашни таъминлайди. Олий маълумотли мутахассислар тайёрлаш, олий ўқув юртларида ўрта махсус, касб-ҳунар таълими асосида амалга оширилади. Олий таълим икки босқичга: бакалаврлик ва магистратурага эга.
Олий ўқув юртидан кейинги таълим жамиятнинг юқори малакали илмий ва илмий-педагогик кадрларга бўлган эҳтиёжларини таъминлашга қаратилгандир.
Кадрларни малакасини ошириш ва уларни қайта тайёрлаш касб билимлари ва кўникмаларини чуқурлаштириш ҳамда янгилашни таъминлайди. Кадрлар малакасини ошириш ва уларни қайта тайёрлаш тартиби Ўзбекистон Республикаси Вазирлар Маҳкамаси томонидан белгиланади.
Мактабдан ташқари таълим болалар ва ўсмирларнинг якка тартибдаги эҳтиёжларини қондиришга қаратилган, уларнинг бўш вақти ва дам олишини ташкил этиш учун давлат органлари, жамоат бирлашмалари, шунингдек, бошқа юридик ва жисмоний шахслар маданий-эстетик, илмий, техникавий, спорт ва бошқа йўналишларда мактабдан ташқари таълим муассасаларини ташкил этишлари мумкин. Мактабдан ташқари таълим муассасаларига болалар, ўсмирлар ижодиёт саройлари, уйлари, клублари ва марказлари, болалар-ўсмирлар спорт мактаблари, санъат мактаблари, мусиқа мактаблари, студиялар, кутубхоналар, соғломлаштириш муассасалари ва бошқа муассасалар киради.
"Кадрлар тайёрлаш миллий дастури тўғрисида"ги Қонун ҳам 1997 йил 29 августда қабул қилинган. Мақсади: таълим соҳасини тубдан ислоҳ қилиш, уни ўтмишдан қолган мафкуравий қарашлар ва сарқитлардан тўла халос этиш, ривожланган демократик давлатлар даражасида, юксак маънавий ва ахлоқий талабларга жавоб берувчи юқори малакали кадрлар тайёрлаш миллий тизимини яратишдан иборат.