Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

Дарс типи: Янги билимлар бериш.
Дарс тури: назарий.
Дарсда қўлланиладиган ўқитиш методлари: маъруза, суҳбат, тушунтириш.
Фанлараро боғланиш: тарих, халқ таълими соҳаси ва б.
Дарс жиҳози: тарқатма материаллар, компьютер, проектор, экран, ишлаб чиқариш соҳаларига оид слайдлар, кўргазмалар ва ҳ.
Дарснинг тури: Янги билимлар бериш.
Дарсда қўлланиладиган методлар: маъруза, суҳбат.
Дарснинг бориши:
I. Ташкилий қисм.
II. Ўтилган дарсни сўраш ва баҳолаш:
1.Ишлаб чиқаришда фан-техника тараққиётини жадаллаштиришнинг асосий йўналишларини айтинг.
2.Нима учун ҳозирги босқичда технологик жараёнларни такомиллаштиришга алоҳида эътибор берилмоқда?
3.Ишлаб чиқаришни автоматлаштиришнинг аҳамияти нимада?
4.Ишлаб чиқаришни автоматлаштириш маҳсулот сифатига ва ишчи-хизматчилар меҳнати унумдорлигига қандай таъсир кўрсатади?
III. Янги мавзуни баён қилиш.
Режа:
1. "Таълим тўғрисида" ва "Кадрлар тайёрлаш миллий дастури тўғрисида"ги Қонунларнинг мазмун-моҳияти.
2. Кадрларни тайёрлаш, малакасини ошириш йўналишлари, тартиби.
Ўзбекистон Республикасининг "Таълим тўғрисида"ги Қонуни 1997 йил 29 августда қабул қилинган. Ушбу Қонунларнинг мақсади фуқароларга таълим-тарбия бериш, касб-ҳунар ўргатишнинг ҳуқуқий асосларини белгилайди ҳамда ҳар кимнинг билим олишдан иборат конституциявий ҳуқуқини таъминлашга қаратилган. Ўзбекистон Республикасининг таълим тизими ягона ва узлуксиздир. Ўзбекистон Республикасида таълим қуйидаги турларда амалга оширилади:
- мактабгача таълим;
- умумий ўрта таълим;
- ўрта махсус, касб-ҳунар таълими;
- олий таълим;
- олий ўқув юртидан кейинги таълим;
- кадрлар малакасини ошириш ва уларни қайта тайёрлаш;
- мактабдан ташқари таъ лира.
Мактабгача таълим бола шахсини соғлом ва етук, мактабдаги ўқишга тайёрлаган тарзда шакллантириш мақсадини кўзлайди. Бу таълим олти-етти ёшгача оилада, болалар боғчасида ва мулк шаклидан қатъий назар бошқа таълим муассасаларида олиб борилади.
Умумий ўрта таълим. Умумий ўрта таълим босқичлари қуйидагича:
- бошланғич таълим (I-IV синфлар);
- умумий ўрта таълим (V-IХ синфлар).
Ўрта махсус, касб-ҳунар таълими олиш мақсадида ҳар ким умумий ўрта таълим асосида академик лицейда ёки касб-ҳунар коллежида ўқишнинг йўналишини ихтиёрий равишда танлаш ҳуқуқига эга. Академик лицейлар ва касб-ҳунар коллежларида эгалланган касб-ҳунар бўйича ишлаш ҳуқуқини берадиган ҳамда бундай иш ёки таълимни навбатдаги босқичда давом эттириш учун асос бўладиган ўрта махсус, касб-ҳунар таълими беради.