Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

ХАЛҚ ҲУНАРМАНДЧИЛИГИ ТЕХНОЛОГИЯСИ
(14 соат)
"Технология ва дизайн" йўналиши учун
1-машғулот.
Мавзу: Ҳунармандларнинг бозор муносабатлари асосидаги фаолиятлари, уюшмалари ва унинг истиқболлари


Дарснинг мақсади:
1) таълимий - ўқувчиларга халқ ҳунармандчилигининг бозор муносабатлари асосидаги фаолиятлари, уюшмалари ва унинг истиқболлари тўғрисида маълумот бериш;
2) тарбиявий - ўқувчиларда ҳунармандлар тайёрлаган буюмларга нисбатан бадиий-эстетик дунёқарашни шакллантириш;
3) ривожлантирувчи - ўқувчиларда халқ ҳунармандчилигининг замонавий технологияларини ўрганиб, амалиётда қўллаш кўникмасини таркиб топтириш;
4) ижодий - ўқувчиларга халқ хунармандчилиги буюмларини замонавий технологиялар асосида тайёрлашни ва уларга замонавий миллий безак беришни ўргатиш;
5) амалий - ўқувчиларга халқ хунармандчилиги буюмларини намуналарига қараб тайёрлашни, уларга бадиий безак беришни ўргатиш;
Касбга йўналтирувчи мақсад: ўқувчиларни халқ ҳунармандчилигига оид касблар (ёғоч ўймакорлиги, ганч ўймакорлиги, наққошлик, кандакорлик, кулолчилик, пичоқчилик, тикувчилик, гиламчилик, дўппидўзлик, қуроқчилик, каштачилик, зардўзлик ва б.) тўғрисидаги билимларини ривожлантириш ва шу соҳаларга доир касбларга қизиқтириш.
Дарснинг вазифалари:
- ўзбек халқ ҳунармандчилигига асос солган ҳунарманд усталар тўғрисида маълумот бериш;
- халқ ҳунармандчилигининг турлари, иш усуллари билан таништириш;
-бозор муносабатлари шароитида ҳунармандчиликнинг ҳозирги замон ишлаб чиқариш фаолияти тўғрисида маълумот бериш;
- "Ҳунарманд" уюшмаси ва унинг истиқболлари билан ўқувчиларни таништириш;
- ҳунармандлар тайёрлаган буюмларга нисбатан бадиий-эстетик дунёқарашни шакллантириш.
Дарс типи: Янги билимлар бериш.
Дарс тури: назарий.
Дарсда қўлланиладиган ўқитиш методлари: тақдимот, баҳс-мунозара, савол-жавоб, "Кластер", "Зинама-зина".