Ўзбекистон республикаси олий ва ўрта махсус таълим вазирлиги гулистон давлат университети б.Қурбанов, Ш. Турабоева

IV. Дарс якунлаш.
1. Янги мавзу юзасидан ўқувчилар билимини мустаҳкамлаш.
"Зинама-зина" методи асосида маррага ким биринчи чиқиш технологиясининг схематик тузилиши асосида ўтилган мавзуни мустаҳкамлаш самарали ҳисобланади.
2. Уйга вазифа бериш. ўқувчилар мавзу асосида қўшимча материалларни тўплаш ва тарқатма материаллар тайёрлаб келиш.
3. Иш ўрнини йиғиштириш.


2-машуғлот.
Мавзу: Халқ ҳунармандчилиги бўйича кўргазма ва танловлар


Дарснинг мақсади:
1) таълимий - ўқувчиларга халқ ҳунармандчилиги бўйича кўргазма ва танловларни ташкил этиш ҳамда ўтказиш ҳақида тушунча бериш;
2) тарбиявий — халқ ҳунармандчилиги бўйича турли тадбирлар ўтказиш орқали ўқувчиларда ўзаро ҳурмат ва маданият қирраларини ривожлантириш, уларнинг халқ ҳунармандчилигининг нозик қирраларини теранроқ ҳис қилишга ўргатиш;
3) ривожлантирувчи - ўқувчиларни жамоатчилик ишларига ўргатиш, уларга ҳунармандчилик ишларининг моҳиятини кенгроқ тушунтириш.
4) ижодий - халқ хунармандчилиги бўйича буюмлар ясаш, кўрик-танловларда қатнашиш учун ижод қилиш (янги буюмлар яратиш) хақида тушунча бериш, кўникма ҳосил қилиш.
5) амалий - ўзининг фикри, ижоди билан ясаган буюмларига безак бериш малакасини таркиб топтириш.
Касбга йўналтирувчи мақсади: ўқувчиларнинг халқ ҳунармандчилиги соҳасига оид қизиқишларини ўстириш, мазкур соҳаларга оид бирор касбни эгаллашларига ёрдам бериш.
Дарснинг вазифалари:
- халқ ҳунармандчилиги бўйича ўтказиладиган турли кўргазма ва танловлар ҳақида тушунча;
- турли кўргазма ва танловларни ташкил этиш ҳамда ўтказиш шартлари, шароитлари;
- ўқувчиларни бундай тадбирларга жалб этиш.
Дарс типи: Янги билимлар бериш.
Дарс тури: назарий.
Дарсда қўлланиладиган ўқитиш методлари: тушунтириш, суҳбат.
Фанлараро боғланиш: расм, чизмачилик, тасвирий санъат, она тили ва адабиёт, тарих ва б.