Ўзбекистон республикаси олий ва ўрта махсус таълим вазирлиги гулистон давлат университети

Олтинчи йўналиш – «Ёшлар ахборот маконида» йўналиши бугунги мураккаб глобаллашув даврида алоҳида аҳамият касб этмоқда. Бутунжаҳон ахборот тармоғи орқали “оммавий маданият” ниқоби остида миллий манфаатларимиз, мафкурамиз, маънавий-ахлоқий қарашларимизга ёт зарарли ғояларни ёшлар онгига сингдиришга уринишлар ҳам кузатилмоқда. Шунинг учун ҳам давлатимиз ҳозирги даврга келиб ахборот-коммуникация технологияларини жадаллик билан ривожлантиришга муҳим аҳамият бермоқда, “электрон ҳукумат” тизимига жамиятнинг барча тармоқлари уланмоқда³¹⁸.
2016 йил 14 сентябрда янги Ўзбекистон Республикасининг “Ёшларга оид давлат сиёсати тўғрисида”ги Қонуни қабул қилиниб (мазкур қонун асосида Ўзбекистон Республикасининг 1991 йил 20 ноябрда қабул қилинган “Ўзбекистон Республикасида ёшларга оид давлат сиёсатининг асослари тўғрисида”ги Қонуни бекор қилинди), у 4 та боб, 33 та моддада мужассамлашди. У олдинги қонундан фуқаролик жамияти талабларига жавлб бериши, ёшларни ижтимоий ҳимоялашга қаратилганлиги билан ажралиб туради.
Қонунда ишлатилган тушунчаларга қуйидаги таърифлар берилди:
ёшларга оид давлат сиёсати – давлат томонидан амалга ошириладиган ҳамда ёшларни ижтимоий жиҳатдан шакллантириш ва уларнинг интеллектуал, ижодий ва бошқа
йўналишдаги салоҳиятини камол топтириш учун шарт-шароитлар яратилишини назарда тутадиган ижтимоий-иқтисодий, ташкилий ва ҳуқуқий чора-тадбирлар тизими;
ёшлар (ёш фуқаролар) – 14 ёшга тўлган ва 30 ёшдан ошмаган шахслар;
ёш оила – эр-хотиннинг иккиси ҳ ам ўттиз ёшдан ошмаган оила ёхуд фарзанд (бола) тарбиялаб вояга етказаётган 30 ёшдан ошмаган ёлғиз отадан ёки ёлғиз онадан иборат бўлган оила, шу жумладан никоҳдан ажралган, бева эркак (бева аёл);
ёш мутахассис – олий ёки ўрта махсус, касб-ҳунар таълими муассасасини битирган, таълим муассасасини битирганидан сўнг олган ихтисослиги бўйича 3 йил ичида ишга кирган ва маълумоти тўғрисидаги ҳужжатда кўрсатилган ихтисослиги бўйича ишлаётганига 3 йилдан кўп бўлмаган 30 ёшдан ошмаган ходим;