Ўзбекистон республикаси олий ва ўрта махсус таълим вазирлиги гулистон давлат университети

Биринчи йўналиш - «Баркамол авлод йўналиши», айтиш мумкинки, мамлакатимизда амалга оширилаётган ёшларга оид давлат сиёсатининг негизини ташкил этади. Бу йўналишда ишлаб чиқилган Давлат дастурларининг амалга татбиқ этилиши аҳоли, айниқса болалар ва ёшлар саломатлигига эътиборнинг ортиши билан бирга кечмоқда. Бу йўналишдаги чора-тадбирлар йиллар давомида такомиллаштириб борилди. Бир қатор нуфузли xалқаро институтларнинг баҳолашича, Ўзбекистон дунёнинг 125 давлати орасида xотин-қизлар учун қулай шароитлар яратиш ва оналикни муҳофаза қилиш борасида етакчи ўринлардан бирини эгаллаб турибди. Буни ЮНИСЕФнинг Шарқий Европа, Болтиқбўйи ва Мустақил Давлатлар Ҳамдўстлиги мамлакатлари бўйича офиси томонидан оналик ва болаликни муҳофаза қилиш борасидаги дастурларни жорий қилишда Ўзбекистоннинг минтақадаги намунавий модель сифатида эътироф этилгани ҳам исботлайди.
Ёшларни ҳуқуқбузарликлар, зарарли иллатлар, экстремистик ғоялар ва “оммавий маданият” таъсиридан ҳимоя қилиш бугунги глобализация шароитида янада муҳим аҳамият касб этади. 2010 йилда Ўзбекистон Республикасининг “Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида”ги Қонуни ва 2011 йил 5 октябрда “Алкоголь ва тамаки маҳсулотларининг тарқалиши ҳамда истеъмол қилинишини чеклаш тўғрисида”ги Қонунининг қабул қилиниши ҳам муҳим аҳамиятга эга бўлди.
Кадрлар тайёрлаш миллий дастури ва мактаб таълимини ривожлантириш давлат умуммиллий дастурининг амалга оширилиши натижасида ўтган йиллар мобайнида таълим тизимини тубдан янгилаш ва ислоҳ этиш бўйича миқёси ва кўламига кўра улкан ишлар амалга оширилди. Қарийб 9,5 минг ёки мамлакатимизда фаолият кўрсатаётган мактабларнинг деярли барчаси янгитдан қурилди, капитал реконструкция қилинди ва замонавий ўқув-лаборатория асбоб-ускуналари билан таъминланди. Мамлакатимизда 1500 дан ортиқ янги касб-ҳунар коллежи ва академик лицейлар барпо этилди.
Иккинчи йўналиш - Республикамизда 130 дан ортиқ миллат ва элат вакиллари истиқомат қилади. Ўзбекистон Республикаси Конституциясининг 18-моддасида “Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар, қонун олдида тенгдирлар”. Имтиёзлар фақат қонун билан белгиланиб қўйилади ҳамда ижтимоий адолат тамойилларига мос бўлиши шарт деб белгилаб қўйилган. Бугун ҳуқуқ ва бурчларини чуқур англаб етган, янгича фикрлайдиган, ўз келажагини жамиятда демократик қадриятларни мустаҳкамлаш билан, мамлакатимизнинг келажагини жаҳон ҳамжамиятига интеграциялашуви билан боғлиқ ҳолда кўрадиган янги авлод вакиллари ҳаётга дадил кириб келмоқда.
Учинчи йўналиш - «Ёшлар ва ижтимоий ҳимоя» йўналиши, аввал бошданоқ, республикамиз ёшларга оид давлат сиёсатининг устувор йўналиши бўлиб келмоқда. Мустақиллик йилларида Ўзбекистонда ижтимоий ҳимоянинг ҳуқуқий асослари яратилди, соҳага доир қарийб 90 дан ортиқ норматив-ҳуқуқий ҳужжатлар қабул қилинди.
Давлат томонидан олиб борилаётган ижтимоий сиёсатни қўллаб-қувватлашда бошқа нодавлат ташкилотлари ҳам муносиб ўрин тутади. Республикамизда ёшлар учун:
- бепул тиббий хизмат;
- бепул таълим олиш;
-соғломлаштириш ва маданий-маърифий муассасаларга имтиёзли шартларда қатнаш;
- уй-жой қуриш учун имтиёзли кредитлар бериш;
-дастлабки меҳнат фаолияти учун иш жойи билан таъминланиш ёки амалдаги қонунларга мувофиқ моддий компенсация олиш ҳуқуқи;
-ижтимоий инфраструктура объектларини лойиҳалаш ва қуриш чоғида ёшларнинг талаб-эҳтиёжларини ҳисобга олиш;
-ўқувчилар, талаба ёшлар ва вояга етмаган фуқаролар учун транспортда юриш имтиёзлари;
-вояга етмаганларга компенсация тўловларини кафолатловчи ижтимоий таъминланиш минимуми белгиланади.