Ўзбекистон республикаси олий ва ўрта махсус таълим вазирлиги фарғона давлат университети география кафедраси

2.Минтақавий сиёсат
Геосиёсат – бу энг аввало давлатларнинг ташқи сиёсати, уларнинг жаҳон ҳамжамиятида ўрин олган қўшни (чегарадош) ва узоқ хориждаги мамлакатлар билан сиёсий –иқтисодий, ижтимоий муносабатлари сифатида эътироф этилиши маъқулроқдир. Худди шу маънода регионал сиёсат кўпроқ мамлакатларнинг ичига, унинг маъмурий-ҳудудий бўлимлари ижтимоий –иқтисодий ривожланишига қаратилган бўлади.
Регионал ва ҳудудий сиёсат тўғрисида ҳам тадқиқотчи аниқ фикрга эга бўлмоғи лозим. Албатта регион (бу атама аслида инглизча, француз тилидаги “рау” ёки район сўзидан олинган.) ҳам ҳудудир. Аммо ҳар қандай ҳудуд масалан кичик шаҳарча ёки қишлоқ туманларини ҳам регион даражасида қараш одатдан эмас. Регион ҳам район, бироқ анъанага кўра у катта райондир. Шу боис Фарғона туманини маъмурий район ёки туман сифатида кўриш мумкин, аммо уни регион деб аташ нотўғридир.
Мавжуд чалкашликларга йўл қўймаслик мақсадида регионал сиёсатни минтақавий сиёсат, яъни анча катта ички ҳудудлар билан боғлиқ давлатнинг муносабатини англатувчи сиёсат шаклида қабул қилиш тўғрироқдир.
Тадқиқотчи мамлакатнинг регионал (минтақавий) йирик иқтисодий районлаштириш ғоя ва амалиёти билан чамбарчас боғлиқ бўлади.
Сиёсат ва география фани ўртасидаги алоқадорлик.
Қадимги даврларданоқ олимлар географик муҳитнинг инсон сиёсий ҳаётига таъсирини ўрганишга қизиққанлар. Арасту ўзининг «Сиёсат» деб номланган асарида қуйидаги фикрни айтиб ўтган.
Иқлими совуқ бўлган мамлакатларда истиқомат қилувчи кучлар довюрак бўлишади, аммо уларда ҳаёлий орзулар ва ихтиролар қилишга мойиллик йўқ. Шунинг учун ҳам улар бошқа халқларга нисбатан кўпроқ вақт озодликни сақлаб туришади, бироқ ўз қўшинларига бошчилик қилиш ва уларни бошқаришга эга эмас, улар сисёсий раҳбарликка муҳтождирлар.
Жанубий халқлар, аксинча чуқур ўйлайдиган ва қийин ҳолатлардан чиқиб кетишга устадирлар. Аммо улар ғайратли эмаслар. Шунинг учун ҳам қуллик ва тобелик уларга хос «табиий ҳолатдир» Оралиқ минтқаларда истиқомат қилувчи юнонлар эса ўзларида Шимол ҳамда Жануб халқларига хос бўлган энг яхши ҳислатларни жо қилганлар.