Ўзбекистон республикаси олий ва ўрта махсус таълим вазирлиги фарғона давлат университети

Масалан. ариза олти таркибий қисмдан иборат:

• 
  адресатни белгилаш;
  
• 
  ариза муаллифининг ифодаси;
  
• 
  ҳужжат турининг номи (“ариза”) ;
  
• 
  ариза мазмуни (матни);
  
• 
  муаллиф имзоси;
  
• 
  имзо қўйилган сана.
  

Мазкур таркибий қисмларнинг бари ушбу ҳужжатда ҳам, бошқа ҳар
қандай ҳужжатда ҳам бўлиши зарур. Масалан, санани қўймасак, ҳужжат замондан ташқарига чиқиб қолади. Имзоси йўқ аризани ҳам қабул қилишмайди. Мазмунсиз ариза ҳам, табиийки, бўлиши мумкин эмас.
Ҳужжатдан фойдаланиш қулай бўлиши учун аризанинг барча
таркибий қисмлари шундай ажратилиши ва жойлаштиришили лозимки,
уларни дарров топиш ва ўқиш осон бўлсин.
Таржимаи ҳол эса қуйидаги тартибда жойлаштирилган тўрт таркибий қисмдан иборат бўлади:

• 
  ҳужжат турининг номи (“таржимаи ҳол”);
  
• 
  мазмун (матн);
  
• 
  муаллиф имзоси;
  
• 
  имзо қўйилган сана.
  

Туғилганлик тўғрисидаги гувоҳноманинг кўриниши бошқачароқ, унинг шакли ва мазмуни қонун йўли билан аниқ белгиланган бўлиб, улар намунавий, яъни туғилганлик тўғрисидаги барча гувоҳномалар учун умумий
ҳисобланади. Туғилганлик тўғрисидаги гувоҳномалар олдиндан чоп этилган
бланкларга ёзилади. ЗАГСлар (фуқаролик ҳолатларини қайд қилиш бўлимлари)да, яъни фуқароликнинг туғилиш, никоҳ, ўлим сингари ҳолатлари
қайд этиладиган муассасаларда фақатгина бланкда белгилаб қўйилган ўринлар тўлдирилади. Туғилганлик тўғрисидаги гувоҳнома қуйидаги таркибий қисмларга эга:

• 
  ҳужжат турининг номи (“туғилганлик тўғрисида гувоҳнома”);
  
• 
  мазмун ;
  
• 
  қайд қилиш жойи;
  
• 
  берилган сана;
  
• 
  гувоҳноманинг рақами;
  
• 
  мансабдор шахс имзоси;
  
• 
  муҳр.
  

Бланкдаги баъзи элементлар бўйича қандай маълумотлар ёзилиши тўғрисида олдиндан кўрсатмалар берилган (улар кўпгина нуқталардан иборат
бўлган чизиқлар остида майда шрифт билан ёзиб қўйилган).
Гувоҳноманинг бутун мазмуни бланкда олдиндан кўзда тутилган. Туғилганлик тўғрисидаги гувоҳномада тузатишлар, ўчиришларга йўл қўйилмайди. Гувоҳнома шаклини ҳар қандай бузишлар ва нотўғри тўлдириш яроқсиз қилиб қўяди.