Ўзбекистон республикаси олий ва ўрта махсус таълим вазирлиги бухоро муҳандислик-технология институти

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ


БУХОРО МУҲАНДИСЛИК-ТЕХНОЛОГИЯ ИНСТИТУТИ


Магистратура талабасининг календарь иш режасини тузиш ва амалга ошириш бўйича Бухоро муҳандислик-технология институти магистратура бўлими талабалари ва илмий раҳбарлари учун
услубий кўрсатмалар

БУХОРО 2018

Мундарижа


1. Кириш 4
2. Магистратура талабасининг ўқув-методик, илмий-тадқиқот,
илмий-педагогик иши, илмий семинар, илмий амалиёт бўйича
календарь иш режаси 10
1. 1. Ўқув-методик ишлар 10
1.2. Илмий -тадқиқот ишлари 12
1.3. Илмий-педагогик ишлари 12
1.4. Илмий семинар
1.5. Илмий амалиёт (стажировка) 13
3. Магистрлик диссертациясини тайёрлаш бўйича календарь
режа 14
4. Илмий-педагогик иш режаси бўйича магистрант томонидан
амалга ошириладиган ишлар ва тадбирлар жадвали 17
5. Илмий-тадқиқот ишлари режаси бўйича магистрант
томонидан амалга ошириладиган ишлар ва тадбирлар жадвали 56
6 Фойдаланилган адабиётлар руйхати 72

Кириш

Ушбу магистратура талабасининг календарь иш режаси ва режани амалга ошириш учун чора-тадбирлар жадвали Ўзбекистон Республикасининг «Таълим тўғрисида» ва «Кадрлар тайёрлаш Миллий дастури тўғрисида»ги қонунлари, Ўзбекистон Республикаси Президентининг «Олий малакали илмий ва илмий-педагог кадрлар тайёрлаш ва аттестациядан ўтказиш тизимини янада такомиллаштириш тўғрисида» 2012 йил 24 июлдаги ПФ-4456-сон Фармони, Ўзбекистон Республикаси Вазирлар Маҳкамасининг «Ўзбекистон Республикаси олий таълим тизимида магистратура фаолиятини янада такомиллаштириш, унинг самарадорлигини ошириш чора-тадбирлари тўғрисида»ги 2007 йил 10 сентябрдаги 190-сон қарори, Ўзбекистон Республикаси Президентининг 2017 йил 20 апрелдаги “Олий таълим тизимини янада ривожлантириш чора-тадбирлари тўғрисида”ги қарори ҳамда Ўзбекистон Республикаси Вазирлар Маҳкамасининг 2015 йил 2 мартдаги 36-сон қарори билан тасдиқланган «Магистратура тўғрисида низом»га мувофиқ Бухоро муҳандислик-технология инстиутида магистратура фаолиятини янада такомиллаштириш ва самарадорлигини ошириш, кадрлар тайёрлаш сифати ва уларнинг рақобатбардошлигини ошириш мақсадида ишлаб чиқилган.

Магистратура тўғрисида низомга мувофиқ магистрлар тайёрлашга қўйиладиган умумий талаблар Ўзбекистон Республикаси Вазирлар Маҳкамасининг “Олий таълимнинг давлат таълим стандартларини тасдиқлаш тўғрисида”ги 2001 йил 16 августдаги 343-сон қарори билан белгиланади. Аниқ мутахассислик бўйича магистрлар тайёрлашга қўйиладиган талаблар олий таълимни бошқариш бўйича ваколатли давлат органи томонидан тасдиқланадиган магистратура мутахассисликлари малака талаблари билан белгиланади.
Магистр:
танланган мутахассислиги бўйича илмий-тадқиқот, илмий-педагогик ва касбий фаолиятни мустақил юритишга;
касбий фаолиятда замонавий ахборот-коммуникация технологияларидан фойдаланишга;
олий таълим муассасасидан кейинги таълимни магистрлик тайёргарлигига мувофиқ мутахассислик бўйича катта илмий ходим-изланувчилар институтида давом эттиришга;
кадрларни қайта тайёрлаш ва уларнинг малакасини ошириш тизимида қўшимча касб таълими олишга тайёрланади.
Магистр ўз мутахассислиги, илмий ва илмий-педагогик тайёргарлигига мувофиқ касбий фаолиятининг қуйидаги турлари:
илмий-педагогик;
илмий-ижодий;
илмий-тадқиқот ва тажриба;
лойиҳа-конструкторлик;
лойиҳа-технологик;
ишлаб чиқаришда бошқарув, шунингдек бакалавриат таълим йўналишига мувофиқ бошқа фаолият турлари бўйича ҳам шуғулланиши мумкин.
Магистратура талабасининг илмий фаолиятига ўқув режаси бўйича жами 2516 соат ҳажмдаги ўқув юкламаси ажратилади. Шундан 1398 соат аудитория соатлари (илмий-тадқиқот, илмий-педагогик иш, магистрлик диссертациясини тайёрлашга 612 соат, илмий семинарга 216, илмий амалиёт (стажировкага 570 соат), 1118 соат мустақил таълимга ажратилади.
Магистратура талабаси 1-2-3 семестрларда 612 соат, шу жумладан,1 семестрда 144 соат, 2 семестрда 216 соат ва 3 семестрда 252 соат давомида илмий тадқиқот, илмий-педагогик ва магистрлик диссертациясини тайёрлаш иш турларини босқичма-босқич ўзлаштириб боради.
Илмий-тадқиқот ва илмий-педагогик ‎иш, магистрлик диссертациясини тайёрлаш ўқув фани соатларини иш турларидан келиб чиқиб қуйидаги қисмларга семестрлар бўйича тақсимлаш мақсадга мувофиқ ҳисобланади:

№