Ўзбекистон республикаси олий ва ўрта махсус таълим вазирлиги бухоро муҳандислик-технология институти

Магистрлик диссертацияси – магистрантни магистратурада ўқиш даврида эгаллаган назарий ва амалий билимлари асосида бажарган илмий тадқиқот иши, уни бажаришга қўлллаган умумий тадқиқот методлари, эмпирик ва назарий тадқиқот усуллари (абстрактлаш, таҳлил ва синтез, индукция ва дедукция) билиш ва ижод ахборотлашган жараёнлар маҳсули, тадқиқот жарайнидаги ўлчовлар, жараён ва объектларни лойиҳалаш ва ҳисоблаш тажрибаси, илмий тадқиқотнинг янги методлари, мантиқ қонунлари ва қоидаларини қўллаш, далил келтириш, ва исботлаш қоидалари, мавзу танлаш, иш режаларини тузиш, илмий адабиётларни ўрганиш, далилий ашёларни ва жараёнларни ўрганиш орқали ўз олдига кафедра ва илмий раҳбар томонидан қуйилган илмий тадқиқот ишининг натижаси ҳисобланади.
Диссертация мавзуси фан-техника тараққиётида, иқтисодиёт, ишлаб чиқаришга, ижтимоий соҳаларда илғор ва долзарб масалаларга бағишланган муайян бир вазифанинг илмий асосланган ечимини топишга, тавсиялар ишлаб чиқишга, статистик маълумотлар таҳлилига қаратилган натижавий ечимига эга бўлиши зарур.
Магистрлик диссертациясининг мавзуси истеъмолчининг буюртмаси бўйича таклиф қилиниши, кафедрада олиб борилаётган долзарб илмий-тадқиқот ишларининг маълум бир мавзусидан иборат бўлиши зарур.
Илмий семинар – илмий семинар магистратура талабасининг илмий-тадқиқот ишини қўллаб-қувватловчи механизм бўлиб, қуйидаги вазифаларни бажаришга имконият яратади:
магистратура талабасини илмий-тадқиқот ишини тўғри тасаввур этиш, жумладан, мақсад ва вазифаларни қўйиш, адабиётларни ўрганиш асосида муаммонинг ўрганилганлик даражасини таҳлил қилиш, ишни босқичларга ажратиш ва натижаларини белгилаш, олинган натижаларни ҳимоя қилишда кўмаклашиш;
магистратура талабасини тегишли мавзу бўйича жорий тадқиқотлар натижалари билан таништириш;
тадқиқот натижаларини конференцияларда маъруза қилиш ва илмий нашрларда мақола чоп этишда кўмаклашиш;
Илмий семинарнинг асосий мақсади магистратура талабасининг илмий-тадқиқот ва аналитик фаолият олиб бориш кўникмаларини ва касбий компетенцияларини шакллантиришга қаратилган бўлиб, ўқув машғулотлари амалий дарс ва мустақил иш кўринишида ўтказилишни кўзда тутади.
Магистратура талабаси кафедра етакчи профессор-ўқитувчилари иштирокида институтнинг илмий ишлар бўйича проректори томонидан тасдиқланган жадвалга мувофиқ ҳар бир семестрда камида бир марта илмий семинарда олиб бораётган илмий тадқиқот ишлари бўйича ҳисобот тузиши, маъруза ва тақдимот қилиши талаб этилади.