Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Бортга безак бахяқаторли ишлов берилса борт ва адип учлари ўнгига ағдарилади ва адип қайтармаси зийлари олд бўлак томондан, борт зийи адип томондан 0,2см. кенгликда кант ҳосил қилиб, 2222 кл. махсус зий кўклаш машинасида борт зийлари кўкланади, кийим этаги эса буклаб кўкланади. Адипнинг ички чети махсус машинада қирқимидан 2-3 см. масофада олд бўлакка илинтириб қўйилади ёки елим плёнка билан ёпиштириладиган бўлса, адипнинг ички қирқимидан 2,5-3,5 см. масофада елим плёнка қўйиб чиқилади. Сўнгра борт четига безак бахяқатор юритилади (6.3.5-расм, а).
Борт четларига "соф зий"ли ишлов берилганда ағдарма чокларда 0,3 см. кенгликда чок ҳақи қолдирилиб, олд бўлак томондан қирқиб ташланади. Чоклар борт қотирмасига маҳкамланади. Чокни елимлаб маҳкамлаш учун олд бўлак тескарисига ағдарма чокидан 0,1 см. масофада махсус машинада елим плёнка қўйилади ёки универсал машинада елим ип қўйилади (6.3.5-расм, б).
Б ортнинг ағдарма чоклари универсал машинада ҳам маҳкамланиши мумкин. Бунда тақилмаси юқоригача етган кийимларнинг чоки адип томондан этагидан бортнинг учигача бостириб тикилади, адип қайтармали кийимларда эса бортнинг чоки адип томондан, этакдан адип қайтармаси қайриладиган чизиқгача, адип қайтармасидаги чоклар эса олд бўлак томондан ағдарма чокдан 0,2 см. масофада бостириб тикилади. Адип қайтармаси учларида ва қайрилиш чизиғи бошланишида борт ағдарма чокининг 3-4 жойи тикмай қолдирилади (6.3.5-р, в ).

а б в

6.3.5-расм. Борт зийларига ишлов бериш.

Ёлғон қавиқ билан ишлов беришда кўпинча елим плёнка ишлатилади. Бунинг учун борт қотирмаси чокидан 0,1 см. масофада елим плёнка қўйилади. Тақилмаси тўғри чизиқ шаклида бўлган бортларда адип билан олд бўлак яхлит бичилиши мумкин. Агар адип қайтармасининг формаси бошқача бўлса, адип қайтармаси қисмида алоҳида, пастки қисми яхлит бичилади. Яхлит бичилган олд бўлакнинг тескари томонидан бортнинг зий чизиғи белгиланади. Борт қотирмаси билан уқа юқоридагидек уланади. Адип қайтармасининг юқори ва пастки учлари бўр чизиқ бўйлаб ағдарма чок билан тикилади .Чоклар ёриб дазмолланади. Борт билан адип қайтармаси учлари ағдариб тўғриланади. Шу учлар зийларини кўклаш билан 1 вақтда борт четлари махсус машинада буклаб кўкланади. Кейинги ишлов бериш адипи алоҳида бичилган кийимлардаги каби бўлади. Бортнинг безак бахяқаторини ёқаси авралик газламадан бўлган кийимларда кийимга ёқа ўтақазилгандан кейин, бортларнинг адип қайтармалари, ёқанинг чети бўйлаб юритиш, мўйна ёқали кийимларда эса ёқани кийимга ўтқазишдан олдин юритиш тавсия этилади.