Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Кийим хакида маълумот
Кийим кишиларни атроф муҳитдан муҳофаза қилиш ва безаниш учун хизмат қилади.
Кийим маълум талабларга жавоб бериши керак. Булар гигиеник, эстетик ва эксплуатацион талаблардир.
Кийимлар гигиеник жиҳатдан кишини ташқи муҳитдан (совуқдан, иссиқдан, ёмғирдан, механик ва химик жароҳатланишдан) ҳимоя қилиши ва сув ўтқазмайдиган, ҳаво ва буғни яхши ўтқазадиган, терни шимадиган бўлиши керак.
Эстетик жиҳатдан бежирим, одамга ярашадиган, замонавий модага мос бўлиши керак.
Эксплуатацион талабларга биноан кийим ҳаракат қилишда, нафас олишда, кийиб суғўришда қулай бўлиши керак.
Масалан: плаш сув ўтқазмайдиган, ич кийим ва ёзлик кийим ҳаво ва буғни яхши ўтқазадиган, нам шимадиган бўлиши керак. Кийим маълум даражада пишиқ, чидамли, енгил ва майин бўлиши керак.
Тикувчилик саноатида қабул қилинган классификацияга кўра кийимлар 2 синфга: маиший ва ишлаб чиқариш кийимларига бўлинади.
Маиший кийим кичик синфларга бўлинади: уст кийимлар, енгил кийимлар ич кийимлар, бош кийимлар, кўрпа-ёстиқ буюмлари, корсет буюмлари.
Устки кийимлар – палто, ярим палто, плаш, жакет, пиджак, куртка, шим.
Енгил кийимлар – кўйлак, блузка, сорочка, фартук, юбка, халат.
Ич кийимлар – пижама, тўнги кўйлак, труси, калсон, кўпалник, плавқилар.
Кўрпа-ёстиқ буюмлари – кўрпа жилдлари, чойшаб, ёстиқ жилдлари, кўрпа.
Корсет буюмлари – корсет, грация, бюстгалтер.
Бош кийимлар – телпак, дўппи, шляпа, панама, берет, фуражка, кепка, рўмол.
Гуруҳлар кичик гуруҳларга бўлинади.
Жинсга қараб: эркаклар, аёллар, ўсмир ўғил ва қиз болалар, катта мактаб ёшидаги ўғил ва қиз болалар, кичик мактаб ёшидаги ўғил ва қиз болалар, мактаб ёшигача бўлган ўғил ва қиз болалар, ясли ёшидаги ўғил ва қиз болалар, чақалоқлар кийимларига бўлинади.
Мавсумга қараб қуйидаги: қишги, ёзги, масумбоп турларга бўлинади.
Махсус функцияни бажариши бўйича: ҳар кун кийиладиган кийимларга, уй кийимларига, спорт кийимларига ва тантанали маросимларга кийиладиган кийимларга бўлинади.