Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

L – (l₁n₁ + l₂n₂ … l_nn_n) = 0 ÷ l _й.к.

Бу ерда L - газлама тўпининг узунлиги;

l₁, l₁, … l_n - тўшама узунлиги;
n₁, n₂ , … n_n – ҳар қайси тўшамада нечтадан қават бўлишини кўрсатадиган коэффициёнтлар;
l _й.к. – газлама тўпидаги йул қўйилиши мумкин бўлган 10-15 см.га тенг лахтак (қолдиқ).
Бундай ҳисоблашнинг асосий камчилиги шундаки, унда иш унуми кам бўлади.
Механизациялаштирилган усулда “Каштан”, “Раздан-2”, “Минск-22”, “Наири”, “Урал”, “Искра-555”, “ЕС-1032”, ЭҲМларидан фойдаланилади. «Ратнап-Аналоғ» автоматик лойиҳалаш системаси тўпларни автоматик тарзда ҳисоблаб, ҳисоблаш картасини ёзиб чиқаради.
Машинада ҳисоблаш натижалари одатдаги бичиш картаси шаклида босилиб чиқиб, унда кийимнинг фасони, тўшамаларнинг узунлиги ва баландлиги кўрсатилган, шунингдек, ҳар бир газлама тўпини бичишнинг ҳисобланган натижаси ёзилган бўлади.
Газлама тўпларини ҳисоблашнинг номографик усули тўшама қаватлари (жойлашмалар) узунликларини ва ҳисобланаётган газлама тўпи узунлигини ифодаловчи турли узунликдаги кесмаларни қўшиш ва айиришга асосланган. Номограмма қуйидаги тенглама талабига жавоб берадиган қилиб кўрилади:
L = ( l1 n1 + l2 n2 + l3 n3 + …..+ ln nn ) + lк
Бу ерда lк - газлама тўпидан чиққан қолдиқнинг узунлиги;
Ҳисобнинг энг яхши вариантида l = 0 га бўлади.
Сўнгра паспортнинг биринчи нусхаси ва ҳисоблаш картасига асосланиб, тўшама учун газлама тўплари комплектланади.
Баъзи корхоналарнинг тайёрлов цехларида экспериментал цехидан олинган андазалар жойлашмаси намунасига асосланиб, тўшаманинг юқори қатлами учун бўрлама тайёрланади.
Тайёрлов цехида танлаб олинган авралик, астарлик, қотирмалик, безак материаллар ва бўрламалар биргаликда қўл ёки механизациялаштирилган аравачалар, 10 та тўп сиғимли элеваторлар ёрдамида бичиш цехига юборилади.