Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Тақилмани адип – мағиз қўйиб тикиш
Адип мағизда кесим узунлиги аниқлаб олинади. Мағизнинг ички қирқимлари букиб тикилади ёки махсус машинада йўрмаланади. Мағиз ўнгини пастга, асосий детал ўнг томонига қўйилади. Кесим асосий детал тескари томонидан, бахяқаторни аста-секин йуқ қила бориб, яъни кесим охирида 1-2 бахяча оралиқ қолганда айлантириб ағдарма чок билан тикилади. Мағиз деталнинг тескари томонига ағдарилади, мағиз томонга асосий деталдан 0,1 см. оралиқда кант чиқариб тўғриланади ва дазмолланади. Мағизнинг ички четлари асосий деталга яширин қавиқ билан тикилади (5.3.2-расм, е).


НАЗОРАТ САВОЛЛАРИ:
1.Кўйлак бортида қандай тақилмалар бўлади?
2. Куйлакларнинг этагигача тушадиган такилмалари кандай тикилади?
3. Кўйлаклар яхлит олд бўлагида тикиладиган тақилмаларнинг кандай турлари бор?
4. Адип қайтармали борт қандай тайёрланади?


ТАЯНЧ ИБОРАЛАР:
Такилма, магиз, адип, борт, копкок, олд булак, магиз чок, куйлак.


МАЪРУЗА № 7


МАВЗУ: АЁЛЛАР ВА ЭРКАКЛАР КЎЙЛАКЛАРИ ЁҚА ВА ЕНГЛАРИНИ ТИКИШ
РЕЖА:
1. Устки ва остки қисми алоҳида бичилган ёқани тикиш
2. Қайтарма ва кўтарма қисми алоҳида бичилган ёқани тикиш
3. Адип қайтармали ёқани тикиш
4. Тақилмаси ёқагача етган кўйлак ёқасини тикиш
5. Куйлаклар енгларини тикиш
Аёллар кўйлагининг ёқалари конструктив жиҳатдан қайтарма ёқа, шол ёқа, тик ёқа ва матросча ёқаларга ажратилади. Газлама турига қараб уларга қотирма қўйилади ёки қўйилмайди. Ёқа ўмизига уланиш усулига қараб ўтқазма ва яхлит бичилган (олд бўлак билан ва адип билан) бўлиши мумкин.
Ёқа тайёрлаш 2 босқичдан иборат:

1. 
   Ёқа тайёрлаш
   
2. 
   Ёқани ёқа ўмизига ўтқазиш
   

Ёқалар устки ва остки қисми алоҳида бичилган, яланг қават ва олиб қўйиладиган безак ёқалар турларига бўлинади.
Эркаклар ва ўғил болалар кўйлагининг устки ва остки ёқаси орасига қўшимча қатлам қўйилади. Янада қаттиқрок бўлиши учун яна бир қават қўшимча қатлам ёпиштирилади. Кейинги қўшимча қатламнинг четлари ёқанинг ағдарма чокига қўшиб тикилмаслиги керак. Ёқаларнинг қайтарма қисми билан устки ва остки қисми алоҳида ёки яхлит бичилган булиши мумкин.