Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Бостирма қопқоқли тақилмани тикиш
Устки ва остки қопқоқни кийим олд бўлаги кесимининг қирқимига бириктирма чок билан тикилади. Чок ҳақи қопқоқ томонга тўғриланиб, дазмолланади. Устки томони ўнги ичкарига қаратилиб букилади ва белги чизиқларига мослаб бурчаклари ағдарма чок билан тикилади, бурчаклар ўнгига ағдарилади, қирқимлари ичкарига 0,5-0,7см га букилади. Остки қопқоқ чокни 0,1- 0,2 см ёпиб, букилган зийдан 0,1см кенгликда бостириб тикилади). Устки қопқоқ детал ўнгига ўтқазилиб, зийидан бостириб тикилади.Очиқ қирқими ва пастки учи ичкарига 0,5-0,7см букланиб, бостириб тикилади. Охири кўндаланг бахяқатор юритиб пухталанади (5.3.2-расм, а).


Битта мағизли тақилмани тикиш
Асосий детал тескарисига мағиз ўнги билан қўйилиб, ағдарма чок билан тикилади. Мағиз асосий детал ўнгига ўтказилиб, очиқ қирқими ичкарига букилиб, ағдарма чокни ёпадиган қилиб, зийидан 0,1 см. оралиқда бостириб тикилади. Тақилма 2 га букилиб, 2 та қайтма бахяқатор билан пухталанади (5.3.2-расм, б).
Ўтқазма қопқоқли тақилмани тикиш
Асосий деталда тақилма ўрни белгиланади, чок ҳақи 1-1,5см. колдирилиб, ортиқчаси қирқиб ташланади. Қопқоқ 2 га букланиб, юқори томони ағдарма чок билан тикилиб, бурчаклари кирқилиб, ўнгига ағдарилади, дазмолланиб, тақилма кенглигида белги чизиқ ўтқазилади. Тақилма асосий деталга бириктириб тикилади ва охири қайтма бахяқатор билан пухталанади. Қопқоқ уланган чок йўрмаланади (5.3.2-расм, г).


Тақилмани мағиз чок билан тикиш
Тақилма кесимини мағиз қўйиб, бир вақтнинг узида мағиз қирқимларини ичкари томонга букиб махсус мослама ёрдамида мағиз чок солиб, мосламаси бўлмаган машинада 2 та бахяқатор солиб тикиш мумкин. Яъни деталнинг тескари томонига мағиз ўнги билан қўйилиб, асосий детал томонидан 0,5-0,7 см. кенгликдаги чок билан уланади. Мағиз чок атрофида айлантирилиб, мағиз уланган чокни беркитиб, 0,5 см. мағиз ичкарига букилиб, букилган зийдан 0,1 см.оралиқда бостириб тикилади (5.3.2-расм, д).



а б в г

д е

5.3.2-расм. Енгил кийимлар тақилмаларини тикиш.