Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Кийим бичими ва конструкцияси
Бичим деганда кийим конструкциясининг умумий хусусияти тўшунилади. Одам гавдасига ёпишиб туриш даражасига қараб кийимлар кенг турадиган, сал ёпишиб турадиган, ёпишиб турадиган ва трапеция шаклида бўлади. Бирлаштирувчи чоклар қандай жойлашганига қараб, кийимлар оддий бичимли ( ўтқазма енгли, (а) ), реглан бичимли (б), яхлит бичимли ( Расм 1.3.1, в ) бўлиши мумкин.

a б в

1.3.1 - расм Кийимлар бичими турлари

Оддий бичимли кийимнинг ён чоклари, елка чоклари ва енг ўмиз чоклари бўлади. Реглан бичимли кийимларда олд бўлак қисми ва орт бўлак елка қисми енг билан қўшиб бичиб олинади. Яхлит бичимли кийимларда енг бўлаклари кийимнинг асосий қисмлари, орт бўлаги ва олд бўлаги билан бирга бичилади.

Аёллар кийимининг олд бўлагида асосан елка қирқимидан (а), ёқа ўмизидан (б), енг ўмизидан (1.3.2-расм, в ) бошланадиган витачкалар бўлади.

1.3 .2 – расм. Аёллар кийимининг витачкалари

Экспериментал цехининг вазифалари
Кийимларни ишлаб-чиқариш учун тайёрлов ишлари экспериментал цехидан бошланади.
Бу ишлар қуйидагилардан иборат:

1. 
   Моделлаштириш, конструкциялаш, ҳар бир модел учун ҳужжатларни тайёрлаш.
   
2. 
   Андазалар тайёрлаш.
   
3. 
   Ҳамма материаллар сарфлаш нормасини аниқлаш.
   
4. 
   Трафаретлар тайёрлаш.
   
5. 
   Янги моделлар намуналарини тайёрлаш, усталар ва ишчиларга ўргатиш.
   
6. 
   Янги ишлов бериш усулларини ишлаб чиқиш.
   
7. 
   Янги жиҳозларни синаш, текшириш ва қўллаш.
   
8. 
   Газламаларнинг физик-механик хусусиятларини синаш.
   

Янги моделларни яратиш билан юқори малакали рассом-моделерлар шуғулланади.

Конструкторлар 2 гуруҳга бўлинади:
1 - гуруҳ моделлар база асосларини кўриб, расмга асосланиб, моделнинг бирламчи андазаларини тайёрлайдилар.
2 - гуруҳ моделнинг база асосига асосланиб ўртача размер – рост учун ишчи андазалар, ёрдамчи андазалар, модел учун ҳужжатлар тайёрлайдилар.