Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Тайёрлов цехининг вазифалари
Тайёрлов цехида газламаларни бичишга тайёрлашади. Тайёрлов цехида қуйидаги ишлар бажарилади:

1. 
   Газламаларни қабул қилиш, ўровини очиш, вақтинча сақлаш.
   
2. 
   Газламалар сифатини текшириш, узунлиги ва энини ўлчаш, сифати текширилган газ ламаларни сақлаш.
   
3. 
   Газлама тўпларини ҳисоблаш, тўшама учун газламаларни саралаш, бўрлама тайёрлаш.
   
4. 
   Тайёрланган тўпларни бичиш цехига юбориш.
   

Тайёрлов цехида газламалар қуёш нуридан, паст ҳароратдан, намликдан, кемирувчилардан ҳимоя қилиниши керак.
Газламалар тикувчилик корхоналарига автомашиналарда юклатилган контейнерларда тўплар ёки тойлар тарзида келтирилади.
Газламаларнининг сифати бошқа шаҳардан келтирилган бўлса 20 кун муддатдан кечиктирмасдан, шу шаҳардан келтирилган бўлса 10 кун муддатдан кечиктирмасда текширилиши лозим.
Газлама нуқсонини топиш учун нуқсон топиш “БПМ-2”, “БПМ-3”, “Эдельман” машиналари ёки 3 метрли ўлчов столлари ишлатилади. Ўлчаш натижалари ҳар қайси тўпнинг паспортиға ёзилади.
Япониянинг «Kominami» фирмасининг ВК-50L машинаси газламаларнинг узунлиги ва энини ўлчайди, сифатини текширади ва автоматик тарзда тўпнинг паспортини ёзиб чиқаради. Бу операцияларни бажарувчи Францияда чиқарилган «Алпис» машинаси ҳам мавжуд.
Сифати текширилаётган газламаларда нуқсон топилса, газламанинг юз томонига бўр ёки совун билан белгиланади ва милкига рангли иплар ёки ёпишқоқ лента билан «сигнал» бириктириб қўйилади. Узун тукли газламаларда тукнинг йўналиши стрелка билан кўрсатилади.
Текшириш натижалари тўпнинг паспортиға ёзилади. Тўпнинг паспорти икки нусхада тўлдирилиб, биринчиси тўпга бириктириб қўйилиб, иккинчи нусхасига газлама намунаси ёпиштирилиб, ҳисобчиларга юборилади.
Сифатини текшириш ва ўлчашдан кейин газлама сақлаш зонасига ўтказилади. Улар супача таглик, полкали жавон, ари уясимон жавон, арчасимон жавонлар ёки элеваторларда бир доналаб сақланади.
Ҳисобчилар газламаларни қолдиксиз бичиш учун газлама тўпларини ҳисоблайдилар.
Газлама тўпларини ҳисоблашнинг 3 хил: қўлда ҳисоблаш, механизациялаштирилган ва номография ёрдамида ҳисоблаш усуллари мавжуд.
Қўлда ҳисоблаш усулида, қандай узунликдаги қаватлардан нечтадан тўшалаши кераклиги, барча қаватлар узунлигининг йиғиндиси газлама тўпининг умумий узунлигига тенг келадиган (қолдиқсиз ҳисоблаш) ёки ундан мумкин кадар кам фарқ қиладиган (йўл қўйиладиган қолдиқсиз ҳисоблаш) қилиб аниқланади.
Газлама тўпини тўла ҳисоблаш мана бу тенглама шартини қаноатлантириши керак: