Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Газлама толасига қараб: жун газламадан, ипак толали, пахта толали сунъий ва синтетик толали газламалардан тайёрланган кийимларга бўлинади.
Ишлаб чиқариш кийимлари классификациясига махсус ва расмий (форма) кийимлар киради.
Махсус кийимлар - юқори ҳароратдан, учқундан, радиактив моддалардан, сув, чанг, кислота ва рёнтгён нурларидан, ишқор, ёг, мой, электр майдонларидан муҳофаза қилади. Булар: курткалар, шим, комбинезон, плаш кабилардир.
Форма кийимлари - темир йул ишчилари, ҳарбийлар, авиация, дарё ва денгиз ходимлари ва мактаб ўқувчилари учун тикилади. Булар: шинел, палто, шим, костюм, кўйлак, гимнастёрка, кител, ички кийим ва бош кийимларидир.
Оммавий тикиш учун қабул қилинган ҳар бир янги модел учун модел намунаси, андаза эталони, техник тавсифи, андазалар ва тайёр кийим ўлчамлари жадвали тайёрлаб берилади.
Кийимнинг ўлчами кўкрак айланасининг узунлигига тўғри келиб см. да ўлчанади (масалан: 88, 92, 96, 100 … 120).
Эркаклар кўйлагининг размерлари кўкрак айланасининг ўлчами – 67, 68, 72 … 88, 92, 96 Ҳамда бўйин айланасининг ўлчами – 31, 32, 33 … 37, 38, 39 билан аниқланади.
Одамнинг бўйи унинг оёқ кийимисиз турган вақтдаги гавда узунлиги билан белгиланади. Устки кийим катталар учун 6, болалар учун 1-2 ростга эга.
Рости деганда унинг абсолют узунлиги эмас, балки кийимнинг нисбий узунлиги, яъни кийимнинг рост номери тўшушилади.
Катта ёшли эркаклар ва аёллар учун бел айланаси ва бўкса айланаси ҳисобга олинади, булар гавда тўлалигини кўрсатади. Гавда тўлалиги 4 хил бўлади: озғин – 0, ўрта – (У), тўла – (Т) ва жуда тўла – (ЖТ). Шунинг учун кийимга 3 та сон: рости, кўкрак айланаси ва бел айланаси кўрсатилади (170-100-88).
Кийим ўлчамлари орасидаги интервал лоқайдлик интервали деб аталади. Масалан: кўкрак айланасининг лоқайдлик интервали 4 см., кийим ўлчамлари эса 44, 46, 48 …58 кабилар.
Кийим ростидаги лоқайдлик интервали кийимнинг кўриниши ва нимага мўлжалланганлигига боғлиқ бўлади. Масалан: уст кийимнинг конструкциялашда рост лоқайдлик интервали 6 см., эркаклар кўйлагида 10 см. гача, трикотаж кийимларда рост бўлмайди.
Бош кийимларда бош айланаси бўйлаб лоқайдлик интервали 1 см.га тенг.