Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Устки ва остки қисми алоҳида бичилган ёқани тикиш
Устки ва остки ёқа алоҳида бичилган бўлса уларни ўнгини ичкарига қаратиб қўйиб, ёқа бурчакларида устки ёқадан 0,4 см. солқи ҳосил қилиб – 0,5 см. кенгликдаги ағдарма чок билан тикилади. Ёқа бурчакларидаги чок ҳақи чокка 2 мм. етказмай қирқилади, ўнгига ағдариб, устки ёқадан 0,2 см. кант ҳосил қилиб кўкланади, дазмолланади ва ёқа четларига безак бахяқатор юргизилади ( 5.4.1-расм.).

Қайтарма ва кўтарма қисми алоҳида бичилган ёқани тикиш
Ёқанинг қайтарма қисми билан кўтарма қисми алоҳида бичилганда, тайёр ёқа қайтармасини ёқа кўтармаси 2 қисми орасига тўғрилаб қўйилади ва ўтқазилиб (чок1), айни вақтда кўтарманинг ён четлари ағдарма чок билан тикилади. Кўтарма ўнгига ағдарилиб, остки кўтарма ёқа ўмизига ўтқазилади (чок 2), устки кўтарманинг пастки қисми остки кўтарма ўтқазилган чокни ёпиб, букланган зийдан 0,1 см. наридан бостириб, кўтарманинг юқори чети ҳам тикилади (5.4.2-расм, чок 3).

5.4.1-расм. Устки ва остки ёқани 5.4.2-расм. Қайтарма ва кўтарма қисми

ағдарма чок билан улаш. алоҳида бичилган ёқани тикиш.

Қайтарма ва кўтарма қисми яхлит бичилган ёқани тикиш

Қ айтармаси билан кўтармаси яхлит бичилган ёқа ағдарма чок билан тикиб олгандан кейин қўшимча қатламга ёқа қайтармасининг кўтармага ўтиш чизиғи бўйлаб, ёқа учларига 3-4см. етмайдиган қилиб елим уқа қўйилади. Устки ёқа қўшимча қатлам билан бирга ёқа ўмизига ўтқазилади (1). Остки ёқанинг пастки чети 0,7 см. букилади ва устки ёқа ўтқазилган чокни ёпадиган қилиб, букилган зийдан 0,1см оралиқда бостириб тикилади (2) ва ёқа тайёр бўлгандан кейин қайтарманинг кўтармага ўтиш чизиғи бўйлаб бахяқатор юргизилади (5.4.3-расм, чок 3).

5.4.3- расм. Қайтарма ва кўтарма қисми яхлит бичиган ёқани тикиш.

Адип қайтармали ёқани тикиш
Адип қайтармали ёқани ўтқазаетганда, адип билан олд бўлак ўнги ичкарига қаратилиб жуфтланади ва улар орасига ёқани ўнги юқорига қаратилиб, адип томондан елка чокигача тикилиши билан бирга борт ҳам ағдарма чок билан Германия "Текстима" фирмасининг 8332 кл. машинасида тикилади. Устки ёқанинг чок ҳақи кертилиб, қайтариб қўйилади ва остки ёқа орт бўлак ўмизига ўтқазилади. Устки ёқа қирқим томонга букилиб, орт бўлак ёқа ўмизига бостириб тикилади (5.4.4-расм).

.

5.4.4- расм. Адип қайтармали ёқани тикиш.