Ўзбекистон республикаси олий ва ўрта махсус таълим вазирлиги бухоро озиқ овқат ва енгил саноат технологияси институти

Тақилмаси ёқагача етган кўйлак ёқасини тикиш
Тақилмаси ёқагача етган кўйлак ёқасини ўтқазишда остки ёқа асосий детал билан ўнг томонлари ичкарига қаратилиб жуфтланади ва қирқимлари текисланиб, кертимлари тўғри келтирилиб, остки ёқа томнидан 0,7-1см. кенгликдаги чок билан ўтқазилади (чок1). Устки ёқанинг қирқим томондаги чети ичкарига букилиб, остки ёқа ўтқазилган чокни ёпадиган қилиб, бостириб тикилади (5.4.5-расм ,чок 2).

5.4.5-расм. Тақилмаси ёқагача етган ёқани тикиш.

Яланг қават ёқаларни тикиш
Яланг қават ёқаларни турлича тикиш мумкин. Уларнинг ён ва қайтарма қирқимларига тўр қўйиб, синиқ бахяқатор машинада қуйма чок билан (а), мағиз чок билан (б), ёки ёқа қирқимларини тескарига букиб, бостириб тикиш мумкин (5.4.6-расм, в).


5.4.6-расм. Яланг қават ёқаларни тикиш.
Олиб қўйиладиган безак ёқаларни тикиш
Бундай ёқаларнинг кўтарма қисмининг қирқими йўрмаланади (а) ёки тўртала томони тикилада (3-4 см. узунликда тикмай қолдириб), шу очиқ жойдан ўнгига ағдарилади ва очиқ жойи чок қирқимлари ичкари томонга букилиб, зийларидан 0,1-0,2 см оралиқда тикилади (б). Ёқанинг кўтарма қирқимига мағиз қўйиб тикиш ҳам мумкин (5.4.7-расм, в).

5.4.7-расм. Олиб қўйиладиган ёқаларни тикиш.

Ёқасиз кийимларнинг ёқа ўмизини тикиш
Ёқасиз буюмда ёқа ўмизи қирқимларини шу ёқа ўмизи шаклида бичиб ёки қия (танда ипига нисбатан 45 градус бурчак остида) бичиб олинган мағиз ёки бейка билан ағдарма чок солиб, кант ҳосил қилиб тикиш мумкин. Аввал мағиз бўлаклари бириктириб тикилади, чок ҳақи ёриб дазмолланади, кейин асосий детал ўнг томонга ўнгини пастга қилиб тўғриланади ва ағдарма чок билан тикилади. Чок мағиз томонга букилиб, мағизнинг ўнгидан ағдарма чокдан 0,1-0,3см. оралиқда бостириб тикилади. Кейин мағиз буюмнинг тескари томонига қайтарилиб, 0,1-0,2см кенгликда кант ҳосил қилиб дазмолланади. Мағизнинг ички қирқимлари буклаб тикилган (а), ёки махсус машинада йўрмаланган бўлади (б). Кейин мағиз асосий деталга 7-8см. оралиқда яширин қавиқ билан қўлда чатилади ёки махсус машинада тикиб қўйилади .
Қалин газламалардан тикилган кийимнинг ёқа ўмизини мағизли чок билан (в) ва икки игнали машинада бейка қўйиб тикиш мумкин (5.4.8-расм, г).

а б в г

5.4.8-расм. Ёқасиз кийимлар ёқа ўмизини тикиш.