Ўзбекистон Республикаси Олий ва ўрта махсус таълим вазирлиги Бобур номидаги Андижон Давлат университети

Иккинчи категория бўйича рўйхатда 10 киши номма- ном келтирилган. Улар қуйидагилардир:

1. 
   Абдуллаев Абдураҳмон
   
2. 
   Болтабоев Тожи
   
3. 
   Карцев Александр Василович
   
4. 
   Носиров Ўсмон
   
5. 
   Сайдашев Ходи Рамазонович
   
6. 
   Холмирзаев Тожимирза
   
7. 
   Халилов Тожимирза
   
8. 
   Черняк Григорий Яковлевич
   
9. 
   Шодиева Тожихон
   
10. 
    Юнусов Элбек Машриқ¹
    

Рўйхатдагилар устидан қачон ва ким томонидан ҳукм чиқарилгани маълум эмас эди. Биз топган маҳфий архив ҳужжатларида ана шу 165 нафар юртдошлар СССР Олий суди Ҳарбий коллегиясининг 1938 йил 4 -16 октябрь кунлари Тошкентда бўлган сайёр йиғилишларида жазога тортилгани акс эттирилган. Бу йиғилишларда 165 нафар эмас, жами 507 нафар ўзбекистонликлар тақдири ҳал этилгани маълум бўлди, яъни юқоридан тасдиқланган ўзбекистонлик 165 маҳбус сафига яна 342 маҳбус киритилган.
Ўша йиллари СССР Олий суди Ҳарбий коллегияси Москва шаҳри, Октябрнинг 25 йиллиги кўчаси, 23 уйда жойлашган, телефони 2-27-69 бўлган. Қўлимизда СССР Олий суди Ҳарбий коллегияси сайёр сессияси раиси ҳарбий юрист Алексеевнинг 1938 йил 4 октябрда Ўзбекистон ССР Ички ишлар халқ комиссари, давлат хавфсизлиги майори Дереник Захарович Апресянга йўллаган расмий талабномаси. Унда 1938 йил 4 октябрда СССР Олий суди Ҳарбий коллегияси сайёр йиғилиши томонидан 51 маҳбус олий жазога –отувга ҳукм этилгани, ҳукм ижросини зудлик билан таъминлаш талаб қилинган, 51 маҳбус номма –ном келтирилган. Д.З.Апресян бу хатдаги талабномани ижро этиш вазифасини давлат хавфсизлиги катта лейтенанти Шишкин зиммасига юклаш ҳақида резолюция қўяди. Ўша куниёқ ҳукм ижро этилиб, бу ҳақда далолатнома тузилган. Унда давлат Хавфсизлиги катта лейтенанти Шишкин, ишчи деҳқон қизил армияси бош ҳарбий прокурори ёрдамчиси 1-ранг ҳарбий юристи Шульцан иштирокида ҳукм ижро этилгани қайд этилган, қайднома юқоридаги икки шахс томонидан имзоланган¹. Қуйида биз отувга ҳукм этилган ва узоқ муддатга қамоқ жазосига ҳукм этилган юртдошларни номма–ном келтирамиз.
Юқорида қайд этилган Олий Суд Ҳарбий Коллегияси отувга хукм қилинган 396 маҳбуснинг 51 нафари 1938 йил 4 октябрда отилган.
Бу масала тўғрисида батафсил материал Рустамбек Шамсутдиновнинг “Ўзбекистонда советларнинг қатағон сиёсати ва унинг оқибатлари” (Биринчи китоб) (Тошкент, “Шарқ”, 2012, -Б. 430) монографиясида келтирилган.