Ўзбекистон республикаси олий ва ўрта махсус таълим вазирлиги Қарши давлат университети

2.10‒расм. Trichoderma harzianum 55 ва Trichoderma harzianum 22 штаммларининг турли рн муҳитларида гиббериллин ва
индолсирка кислота ҳосил қилиши

Хулоса қилиб айтиш мумкинки, Trichoderma harzianum 22 штамми учун ҳар икки иккиламчи метаболит ҳосил бўлиши учун муҳит рНи нейтрал бўлиши (рН‒7.0), Trichoderma harzianum 55 штамми учун эса гиббериллин синтези учун (рН 6.5‒7.0), индолсирка кислота синтези учун эса кислотали (рН 5.5) муҳит энг оптимал бўлиши мақсадга мувофиқ [164; -16-25 б].

§2.3. Trichoderma harzianum замбуруғ 55 ва 22 штаммларининг алкалоидлари ва терпеноидларини ажратиш
ЎзР ФА Ботаника институтида тупроқ таркибидан ажратиб тозаланган Trichoderma harzianum55 штаммини Чапек озуқа муҳитида 10 л ҳажмда олиб, 20 кунгача качалкада хона температурасида ўстирилди. Иккиламчи метаболитлар миқдорий анализ қилинганда 14 кунда ўсганида иккиламчи метаболитлар миқдори кўп эканлиги аниқланди. Иккиламчи метаболитларни ажратиш мақсадида Trichoderma harzianum55 штаммининг биомассаси культурал суюқликдан фильтрлаш орқали ажратиб олинди ва замбуруғ культурал суюқлиги ҳамда биомассаси қуйида келтирилган усуллар ёрдамида экстракция қилинди.
1-усул. Чапек озуқа муҳитида 14 кун давомида качалкада ўстирилган Trichoderma harzianum 55 штаммининг биомассаси культурал суюқликдан ажратилди ва лиофилли вакуумли қуритиш ускунасида 15-20⁰С да замбуруғ биомассаси қуритилди. Қуритилган ва майдаланган 13,15 гр биомасса устига 50 мл метанол қуйилиб бир кун қолдирилди. Метанол биомассадан фильтрланиб ажратилди ва бу жараён уч марта такрорланди. Ажратиб олинган метанол вакуумли роторли ҳайдаш ускуна билан эритувчи ажратилиб, экстракцион сумма олинди. Экстракцион сумма миқдори 5,31 гр ни ташкил қилди.
Культурал суюқлик, яъни сувли қисмини 0,1% натрий гидрокарбонат эритмаси билан рН=7 муҳитида келтирилиб, хлороформ билан экстракция қилинди. Экстракция жараёнидан ажратиб олинган хлороформ вакуумли роторли ҳайдаш ускуна ёрдамида эритувчидан ажратилиб, 0,99 гр қуритилган экстракцион сумма олинди. ЮҚХ маълумотларига кўра иккала сумма ҳам бир хил таркибга эга эканлиги аниқланиб, метанолли ва хлороформли экстракцион суммалар бирга қўшилиб 6,30 гр экстракцион сумма олинди (2.1.-жадвал).