Ўзбекистон республикаси олий ва ўрта махсус таълим вазирлиги абу райҳон беруний номидаги тошкент давлат техника университети

4.8 Лентали конвейерларнинг технологик тавсифи, қўлланиш шароитлари ва унумдорлиги
Барча турдаги конвейерлардан (лентали, лента –канатли, лента – занжирли ва пластинкали) лентали конвейерлар карьерларда кенг қўлланилади (4.5 – расм). Бу конвейерларнинг конструкцияси содда бўлиб, уларни ишлаб чиқариш ва эксплуатация қилиш осон ҳамда улар юқори

4.5-расм. Лентали конвейер схемаси: 1 – конвейер лентаси; 2 – таянч роликлари; 3 – юритувчи барабанлар; 4 – лентани таранглаштириш қурилмалари; 5 – юклаш қурилмаси.

унумдорликни таъминлайди. Карьерларда қўлланадиган лентали конвейерларнинг техник таснифи 4.4 – жадвалда келтирилган.

4.4 – жадвал.

Параметрлар	Конвейерлар
	КЛ – 500	КЛМ –800	С – 160	КЛМ3	НКМ3
Лента кенглиги,мм	1000	1200	1600	1200	1800
Лента ҳаракатланиш тезлиги, м/сек.	2,26	2,58	1,6 – 3,15	3,6	4,35
Соатлик унумдорлиги, т	500	800	160 – 3150	1950 м^3	5000 м^3
Горизонтал ставк узунлиги,м	400	800	1100	800	500
Юритгич қуввати, кВт.	75	150	400 - 800	400	1500

Карьерларда кўпқават матоли ленталардан кенг фойдаланилади. Айниқса капронли ленталардан янада кенгроқ фойдаланилади. Чунки бундай ленталар пишиқ бўлиб, кон жинсларнинг абразивлик (тирновчанлик) ҳусусиятига чидамли бўлади.

Карьерларда қўлланиладиган ленталарнинг кенглиги конвейернинг унумдорлиги, ташиладиган кон массасининг бўлакдорлигига боғлиқ бўлиб, 400 _{ } 3600 мм гача бўлиши мумкин. Катта ўлчамга эга бўлган кон жинсларини ташилганда лента тез емирилиши туфайли жинсларнинг энг катта ўлчами 500 мм дан ошмаслиги керак.
Конвейер лентасининг ҳаракатланиш тезлиги ташиладиган кон жинсларининг физик – техник тавсифи ва лентанинг кенглигига боғлиқ бўлиб, 0,7 _{ } 6 м/сек атрофида бўлиши мумкин. Конвейернинг мумкин бўлган кўтарилиш бурчаги ҳам юқоридаги омиллар асосида белгиланади ва юмшоқ жинсларни ташишда 20 – 22^о ни, майдаланган қоясимон жинсларни ташишда 16 – 18^о ни, шағални ташишда 13 – 15^о ни ташкил қилади. агар лентали конвейер юкларни юқоридан пастга ташийдиган бўлса, унинг қиялик бурчаги кўтарилиш бурчагига нисбатан 2 – 3^о камроқ бўлади (4.6 - расм).

4.6-расм. Транспорт ағдарма кўпригининг схемаси (а), консолли ағдарма ҳосил қилувчи (б),
конвейер қайта юклагичи (в).

Карьерларда қоплама жинсларни ташишда лентали конвейерларнинг қуйидаги схемалари қўлланади.

Қоплама жинсларни карьер чўзиқлигига кўндаланг йўналишда ички ағдармага ташишда транспорт – ағдарма кўприги ва консолли ағдарма ҳосил қилувчи қурилмалардан фойдаланилади.
Агар қоплама жинслар ички ағдармага карьер периметри бўйича конвейерларда ташилса, ташиш схемаси кавжой конвейери, ярим турғун ва ағдарма конвейерларидан ташкил топади (4.7 – расм).

4.7-расм. Карьер периметри бўйлаб қоплама жинсларни қазишдан бўшаган майдонга элитиш (ташиш) схемаси: 1 – экскаватор; 2 – юклаш қурилмаси; 3 – кавжой сурилувчи конвейери; 4 – қия конвейер; 5 – юклаш қурилмаси; 6 – ярим турғун конвейер; 7 – ўзи юрар қайта юклагич; 8 –ағдарма сурилувчи конвейери; 9 – тўкиш қурилмаси; 10 – ағдарма ҳосил қилувчи.

Қоплама жинс ва фойдали қазилмани карьердан ташқарига ташилганда кавжой конвейери, кўтариш конвейери, магистрал конвейер, ағдарма конвейери ҳамда бўшатувчи конвейерлар схемасидан фойдаланилади (4.8 – расм).

4.8- расм. Қоплама жинсларни ташқи ағдармага ташиш схемаси: 1 – ротор экскаваторлари; 2 – қайта юклагич; 3 – кавжой конвейери; 4 – қия конвейер; 5 – магистрал конвейер; 6 – ағдарма конвейери; 7 – ағдарма ҳосил қилувчи.

Лентали конвейерларнинг соатли унумдорлиги (м³) лента кенглиги, унга юкланган кон массаси кўндаланг кесимининг шакли ва жинснинг физик – техник хоссаси ҳамда лентанинг ҳаракатланиш тезлигига боғлиқ бўлиб, қуйидаги ифода орқали аниқланади:

П_к.тех = 3600∙F∙V_л k_заг ;
бунда, F – лентага юкланган кон массаси кўндаланг кесими майдони, м²; V_л– конвейер лентасининг ҳаракатланиш тезлиги, м/сек (4.5 – жадвал); k_заг = 0,8÷1 – лентани юкланиш коэффициенти.
Лентага юкланган кон массаси кўндаланг кесим юзаси майдони юзанинг шаклига боғлиқ бўлиб, қуйидаги ифода орқали аниқланади:
F = K_нак ∙ К_н.р (0,9л – 0,05)²;
^бунда, В_л – лента кенглиги (В_л >2 d_мах + 200_мм  шартини қаноатлантириши лозим), м; К_к.р – таянч роликлар конструкцияни ҳисобга олиш коэффициенти (бир роликли учун К_к.р = 0,07_{ } 0,09; уч роликли учун К_к.р = 0,13 _{ } 0,17); К_нак – конвейер қиялик бурчагини ҳисобга олувчи коэффициент бўлиб, қуйидаги қийматларга эга бўлиши мумкин.
Конвейер қиялик бурчаги, град. коэффициент қиймати:

Конвейер қиялик бурчаги, градус 10

12 14 16 18 20
Коэффициент К_нак1 0,97 0,95 0,92 0,89 0,85
4.5 – жадвал.

Конвейернинг соатлик унумдорлиги, м^3	Жинсларни ташишда лента тезлиги, м/сек.
	Юмшоқ жинсларда	Қоясимон жинсларда
400 – 750	2 - 4	1,5 – 2,5
1000 – 2200	3 – 4	2 – 3
2500 - 5000	3 – 5	2,5 – 4
4000 - 8500	4 – 7	2,5 – 4,5