Ўзбекистон республикаси Олий ва ўрта махсус таълим

Текшириш учун савол ва топшириқлар: 
1-Она тилини ўқитиш тарихига тавсиф беринг. Камчиликларнинг сабаблари нимада эди? 
2.50-90-йилларда бошлангич синфларда она тилини ўқитишда қандай ижобий силжишлар 
бўлди? 
3.Бошлангич синфларда она тили машгулотларининг тури ва мазмунини шарҳланг. 
4. Бошлангич синф она тили дастури тузилиши ва мазмунини тушунтиринг. 
5.Бошлангич синфлар она тили дастурига ўз муносабатингизни билдириб тақриз ёзинг. 
6.«Она тили – бошлангич синфларда ўқув предмети» мавзусида қисқача маъруза 
тайёрланг. 
 
 
 
САВОД ЎРГАТИШ МЕТОДИКАСИ. 
Савод ургатиш методикасининг илмий асослари 
Ўқиш ва ёзиш – нутқ фаолиятининг тури. Мактабда ўқитиш элементар ўқиш ва ёзишга 
ўргатишдан бошланади. "Алифбе" га асосланган ҳолда қисқа муддатда ўқувчилар ўқишга, ёзишга 
ўргатилади, сўнг ўқиш ва ёзиш кўникмаси такомиллаштирилади, бора— бора малакага 
айлантирилади . Малака мустаҳкамланади, автоматлаштирила борилади. Мактабда ўқитишнинг 
муваффақияти савод ўргатишнинг қандай ташкил этилганлигига боглиқ.

---

Ўқиш ва ёзиш малакаси - нутқга оид малака. Ўқиш ва ёзиш малакаси нутқ фаолиятининг- 
бошқа турлари билан ҳам боглиқ. Малаканинг шаклланиши учун бир фаолият бир неча марта
такрорланиши лозим. Шундай экан, савод ўргатиш жараёнида бола жуда кўп ўқиши ва ёзиши 
зарур. Ўқиш учун ҳам, ёзиш учун ҳам янги матн олинади, чунки бир матнни бир неча бор қайта 
ўқиш билан мақсадга эришиш қийин. Бу кўпинча ўқилган матнни юзаки ёдлашга олиб келади. Бу 
иш турнинг алмашиниб туриши малакани мустаҳкамлашга ёрдам беради, қобиллиятни ўстиради.
Ўзбек тили ёзуви – товуш ёзуви. Ёзувда ўқувчи товушни ҳарфга, ўқишда эса товушга 
айлантиришдек мураккаб ақлий фаолиятни бажаради. Бу фаолият доимий равишда юз беришини
назарда тутиб, ўқиш ва ёзиш параллел олиб борилади.